شاعـــــر الأندلس ( فلسفــــــــــــة ).......
 

من أروع قصائد ناصر القحطاني شاعر الأندلس




فضفضتلي عن سواليـف امهـا اللـي كدرتهـا
والحزن مثل الحسن لامـر لازم ينوقـف لـه

جت تفلسـف طفلتـن مكياجهـا مـن فلسفتهـا
كملت عشريـن عـام ولاتـزال اليـوم طفلـه

يشبع الخلخال والسلسـال جايـع فـي ارقبتهـا
خيزرانـن لينهـا بيـن انتبـاه وبيـن غفـلـه

ودي ادري لامشت بشعور الارض اللي تحتهـا
وان تثنت قلت وين اللي يقول ان التـرف لـه

اااه لولا خصرها قلت اسرفـوا فـي تغذيتهـا
مافقره بين النعيـم ولايبـي مـن ينتصـف لـه

حاجتـن تطـري عليهـا جايبتـهـا جايبتـهـا
نسمتن ماتعتـرف بالبـاب والحـارس وقفلـه

قلت وش ذا اللي خفق بين الضلوع من اولتهـا
قبل اقول الضيف جاك اثره فتح كل الغرف لـه

يـوم قدمتـه لهـا ليلـة سرتبـي سلهمتـهـا
قالت اتشرف بقلبك يافتـى قلـت الشـرف لـه

وطرت مع سرب الحمام اللي ظهر من حنجرتها
ساعتين وهي تسوق الرمش وابصم واعترف له

تجـدل انفاسـي واذا حسـت دفاهـا كسرتهـا
واطلقتها للهبـوب بكـل طيشـن تنجـرف لـه

لين باخـر طيشهـا قصيـت اظافـر شيطنتهـا
لاتشح بكيدها اللي كيدها ابـن ادم ضعـف لـه

نسنست عصريه الجمعه وهـي تقـراء بختهـا
بين جمع من العذرا كـل شيـن منكشـف لـه

كل ماجـن يمشطـن شرطانهـا اللـي تعبتهـا
سمعوها من قصائد خلها اخر مـن عـرف لـه

ولـدت لحلـم تـدور لـه وتنشـد منظرتـهـا
ولدت لبروازن اسـود دمعهـا يامـا ذرف لـه

ولـدت توصـي مكاتيبـن قـبـل مازرفتـهـا
ضمنتهـا الغاليـه دمعـة وداع وعطـر حفلـه

قلت اراضيها وجيت وجـاءت والدنيـا ملتهـا
والغزل دار ولقى المشتاق مشتاق يعـزف لـه

كـل مـازودت وردي السواليـف اخجلتـهـا
وكل مازاد الحياء قلت الحلو وش ينكسـف لـه

قالـت امـي تفتكرنـي طفلـه وتظلـم بختهـا
صح انا ماني بطفله صـح انـا مانـي بطفلـه

اخي عقاااب يعطيك العافيه

روعة القصيدة

مميز في الوصف

الف شكر على النقل المميز