فرّحة العاذل
 

" فرّحة العاذل "

الآ يافرحة العذّال يوم منّا تفارقنا
وكيف اخفي لهم حالي ونار البعد تكويني

الآ يالله انآ سآلك ترد قبله وتجمعنا
ترد الروح لي أول اناديها وتناديني

حياتي دونها وش هي ؟ أكيد ان مالها معنا
طلبتك ياكحيل العين لا تكفى تخليني

اخاف ايجيك ذاك اليوم ماتشبع نواظرنا
ترا والله ارد بابي واقول انك جفيتيني

دخيلك دامها فرصه ولحدٍ فينا مشغلنا
تعالي او انا جيلك مهم انك تزوريني

اخاف الوحده تقتلني يجوز الوحده تنهينا
ولاينلام أبد قلبي ولا اسمح تأنبيني

عزيزه نفسه " مسامر " ولامثلك يجّوعنا
نجوم الليل أقربلك الا منّك بغيتيني

كلام الصدق يابنّو ترا ماظن يزّعلنا
يزعلني أجل وش هو؟! الا منّك خذلتيني

وأزعل اكثر واكثر اذا قلبك تجاهلنا
وأزعل حيل بالمره اذا ناديت متـ جيني

الآ يافرحة العاذل دخيلك لا يفرّقنا
دخيل الصدفه لي جابت عيونك يوم تغزيني


منقول..

ابو فهــــــاد

ابتسامــــــه

لكم كل الشكر والاحترااام

الله لا يحرم الرائديه منكم