في هالزمن نسيان الاحباب عادي
 

نسيتني علّمنـي شْلـون ابنسـاك
في هالزمن نسيان الاحباب عـادي
وشلون لامرّت على البال ذكراك
وطيفك سرق مني لذيـذ الرقـادي
وشْلون لاقالوا لي الناس وش جاك
من كنت في لّـذة منامـك تنـادي
وشْلون اعيش اللي بقالـي بليّـاك
لا من غدينا كل واحد بـوادي !!!
لو قلت اداوي جرحي اللي تباطاك
ماكلّ جرح يْفيد فيـه الضمـادي
اعلنت حبـك ليـن كـلٍ تمنـاك
غلطة وغيري من خطاي استفادي
لو لي مثل قلبك تمنيـت فرقـاك
واكيد قبلك بالجفا صـرت بـادي
حلوه عذاريبك وحلـوه مزايـاك
حتى بيوم فراقنـا كنـت هـادي
كنّ الليالي ودها تكسـب رضـاك
وأنا يطول مـع الليالـي جهـادي
في ذمتي ماهي غريبـة خطايـاك
مبطي وقلبك لـو تنبّهـت غـادي
سهلة على من كان مثلك وشرواك
مثـل الثيـاب يغيـرّون المبـادي
علمني اكره ذكرياتـك وطريـاك
وانسى من الليله صدوق الودادي !
ولاني بقايل عقبهـا ويـن ابلقـاك
راضي لو ان جروح قلبي جدادي
ولاّ القصايد جعلها مـن فدايـاك
لبّستهـا مبطـي ثيـاب الحـدادي
باكر على المخطي يدورنّ الافلاك
ونشوف من يصعب عليه البعـادي
_____________________________
منقوووووووووول

لاهنت اخووي
الاختيار كان روعه
تقبل تحياتي

الف شكر على ردودكم

فتون

رد جميل

يعطيك العافيه

عاشق الجبيل

روعه في الاختيار

يعطيك العافيه

الف شكر اخوي ناصر على الرد

أبيات في الصميم...


مشكور أخوي عاشق الجبيل...

نقل رائع ومميز...

العفو اخوي نايف

حاضرين للطيــبين