منتديات الرائدية - قصيدة (محسن الشملاني ) في احتفالات العيد بالخفجي

السلام عليكم ورحمة الله وبركاته

يسرني أن أنقل لكم قصيدة زميلنا

محسن الدعيجي الشملاني .. بالصوت

والتي قالها بمناسبة احتفالات أهالي الخفجي بالعيد

[rams]http://www.alraidiah.net/sound/mohsin01.rm[/rams]

[poem=font="Simplified Arabic,6,black,bold,normal" bkcolor="transparent" bkimage="http://www.alraidiah.com/vb/images/toolbox/backgrounds/16.gif" border="double,6,gray" type=2 line=0 align=center use=ex num="0,black"]
أقول بسم الله على كل الأحوال = عيدية ٍ لأغلى وطن من شبابه

يالله عاوني على نظم الأمثال = وجمل لساني بالحفل لاحكابه

يسعد مساء المملكة يوم تختال = في ظل عبدالله شموخ وذرابه

بعقال عنده ينعقد ميه عقال = وعز العرب عزه بحضرة جنابه

يا موطني يا مولد العز وأبطال = يا أطهر ثرى فوق الوسيعه ترابه

مهبط وحي خير الخلايق ولازال = من إلتجابه نال عز ومهابه

ترخص لجل عينه صناديد وإرجال = ومن دون حده ثابتاتٍ إحرابه

وحنا يا بومتعب ليا عال من عال = عيالك اللي مثل فعل الذيابه

وأهل الوجيه السود ما هم على البال = تبقى الذبابه لو تجبر ذبابه

ولا هزت قلوب الزحازيح الأثعال = الداب مات ولا ظهر سم نابه

إن كانها بالفعل حنا هل أفعال = حنا بعون الله عماه وذهابه

يا سيدي ما هي سواليف وأقوال = من ضدكم يا كود ينعق غرابه

راية ولانا زينة روس الأقذال = مكتوب عبد الله عليها هلابه

وسلطان ميزان العداله ليا مال = بيدين أبوخالد يعدّل نصابه

ليا رضي موج البحر شال موال = وليا زعل تزعل نوايف هضابه

صدره لشعبه لاقسى الوقت مدهال = يندى حنان وكل مابه رحابه

يا سيدي دمتوا لنا ستر وظلال = ويرحم فهد ربي ويحسن ثوابه[/poem]