يا صاحبي ما عاد تزعجني سواليـف الرحيـل
إرحل وسافر يا حبيبي مـن بـلاد أليـا بـلاد

ما عاد لك في وسط قلبي لا مبيـت ولا مقيـل
أنا اجتهدت ولا وجـدت ألا عـذاب الاجتهـاد

روح على فألـك وتلقالـك مـع العالـم خليـل
ما فيه مانع لو تذوق اشوي من كـاس العنـاد

وتروح وين تروح والله ما تسـوي مستحيـل
المستحيل انك تعود (بر) يـا حـب (الرشـاد)

هذي هي الدنيا على ما قيل مـا يخـدم بخيـل
ومن لا يضحي في زمانه لا يفيـد ولا إستفـاد

والحظ والتوفيق في وقت العنـا عابـر سبيـل
من إنحدار إليا استناد إاليا إنحدار إليا إستنـاد

أحد يبي درب الدليـل ولا لقـي درب الدليـل
واحد ولو يمشي ضرير يدل لو هو مـا يقـاد

هذي عبر للمعتبر يقنع بهـا الفكـر الاصيـل
حتى لو تقول الجمـال يتـل معلـوق الفـؤاد

ولو قلت أنا سيد الجمال القد والخصر النحيـل
وليل ونهار وطعنتين وجمرتيـن إويـش عـاد

يا راعي الطرف ألحور كم في البلد طرف كحيل
الله خلق والله رزق والله فـرق بيـن العبـاد

شبيت نار الود والأشـواق فـي راس الفتيـل
وأنا أدري إن النار مهما صـار تاليهـا رمـاد

وزرعت لي روض خضر ما بين يوم وبين ليل
وأنا حصدت ولا حصدت الا القليل من الحصاد

وأوعدتني بالما وبالخضرة وبالوجـه الجميـل
من البياض ولا لقيـت ألا سـواد فـي سـواد

ألا لقيت إن ألكرامـه تشفـي القلـب الغليـل
والقيظ مهما زاد حره في اخـره يرجـع بـراد

ومن لا يعز النفس يبقى لو شرا الدنيـا ذليـل
حتى ايش لو يبني قصوره مثل ارم ذات العماد

والسلسبيل اللي يسمـى سلسبيـل السلسبيـل
طعم إنتصارك لا ردعت النفس عن درب الفساد

ماني قتيل الحـب ولا انتـه يسمونـك قتيـل
كلن يبي يقضـي حيـاة العمـر الدنيـا عتـاد

والصبر مفتاح الفرج لو ما بقي غيـر القليـل
يا صاحبي فرصه تعيد أحسـاب يمكنـه يعـاد

يمكن ليا عدلـت ميـزان ألمحبـه مـا يميـل
وننسى الرحيل وطاري الفرقا وموت الابتعـاد

وألا على كيفك وسولف لي سوا ليف الرحيـل
وارحل وأنا أعاندك وأعلمـك وشلـون العنـاد

للشاعر / عبدالله القثامي