كــيــف تــصــبــح عــربــجــي ؟؟؟
كــيــف تــصــبــح عــربــجــي ؟؟؟ العربجة او الصياعة كما عرفها العربجي المخضرم مفتاح عجل في كتابه الممنوع (فنون العربجة تصنع المعجزة) هي انك تكون بايع الدنيا بجنط سيكل يعني تكون ماخذ الدنيا كقطفة دخان وواطي عليها. طبعا لكي تكون عربجيا محترما لازم تتخذ اجراءات احترازية في حياتك يعني بلغة العربجة لازم تسمكر حياتك من فـوق لـتـحـت. فالمقوم الاساسي او الخطوه الاولى عشان تدخل في عالم العربجة هو انك لازم تدخن ... ومو أي دخان لازم يكون ماربورو احمر اما المريت و الكنت فهي دخان للمبزرة وخلك منها لانها ماتدمر الصدر مثل الاحمر. وخله على طول في جيبك يعني كأنه الجوال حقك كل شوي تطلعه وتاخذ **ارة , وحاول تدخن قدام ناس اصغر منك علشان يقولوا والله هذا قوي ويضحي بحياته في سبيل التدخين ويدخن احمر وتكون قدوة لهم لعالم العربجة. واذا احد سألك من متى وانت تدخن ؟قله من ايام رابع ابتدائي <== خلك راعي ارانب اولاً/ حركات السيارات: *اذا عندك سيارة فخمة ولا ابوك بيشتري لك فياقرا ولا لكزس لاتقبل بغير الهايل** او الدتسن او الجمس الحوض. *بالنسبه للأغاني فلا تسمع الا لعزازي او بشير . *وانت تسوق لاتربط الحزام و تفشلنا ! حاول انك تسوق وانت شبه منسدح يعني لاتل** ظهرك بالكرسي تسند بكتوفك بس وسوق وانت مسوي بأمها ثقه يعني سوق بيد وحده واليد الثانية مطلعها من الدريشة وال**ارة برا . وحاول انك تطيح الموتر يعني بلغة العربجة (ركة الموتر ) وهو انك تنقص عدد اليايات الي في الكفرات الي ورا او انك تحط كيسين سمنت او اربع بلكات ,,, يعني الثقل راح يطيح الموتر واذا مريت قدام شلة حاول ان تقرص بالسيارة يعني (تفحط بنمرة) ثانيا/ التفحيط: حاول انت تتمرس على عملية التفحيط يعني تدرب واتعلم كان عند بيتكم شارع وسيع وحاول ان تكون لك سمعة مابين عمالقة التفحيط هو صحيح انك بتشمع في كم لمبة وكم زبالة ولكن التكرار يعلم ال**** ثالثا/ اللبس: اما من ناحية اللبس فأول ماتفصل لك ثوب اقطع اول زرار من فوق (مو حق الرقبة !!! الي تحته ) علشان تبين شعر صدرك والبس شماغ من غير عقال ودق بنت البكار او طق اللطمة والبس نعال ***رية واذا مشيت خل نعالك تحك في الارض يعني لاترفع رجلك رابعا/ المدرسة: اذا كنت تدرس لا تلبس شنطة ظهر , رح المدرسة ومعك كم كتاب يعني سوي بأمها عندك محاضرة وباقي الكتب خلهم في درج الطاولة واجلس في زاويه الفصل وحط رجل على رجل ولا سألك المدرس :هذي جلسة ؟ قل له: لا نسخه اصلية. خامسا/ وقت السوالف: لاجيت تسولف خلك واثق من نفسك وسوي بأمها انك فاهم في كل الاشياء (سمكرة , ميكا+++++++++ا , بواجي ,عبث في السيارة , ومن هذا القبيل) يعني اخترع سوالف من دمجتك انك طقيت اربع خوال وانت بلحالك وانك مره هزأت عسكري في نقطة تفتيش وانك مره نحشت من الهيئة سادسا/ قسم الشرطة: كل تبن بس لاتوهق روحك هذي مافيها نفحة اقسم بالله تاكلها ست اشهور ابو زعبل سابعا/ المغازل: لاجيت تغازل سو روحك كن ابوك الوليد وعندك فياجرا وكل يوم هندي يغسله وانك ماتخاف من احد <== انا اشهد ان اول كف من الهيئة بيسنعه اذا صادفت بنت وودك تتحرش قل: الشفر للبيع ! ثامنا/ عند المخبز: انصحك انك ماتسوي بأمها عنتر لان الافغاني بيخبز وجهك كانك رفعت صوتك عليه تاسعا: لاجيت بتطاق انا داري انك راح تتصفق بس لاتقول لأحد او اقلب السالفة قل انه ماجاك شي ابد م ن ق و ل |
ههههههههههههههههههههههههههههههههههههههه
من جد فن العربجة حلو خلنا نصير عرابجة على ايدك خخخخخخخخخخخخخخخخخخخخخخخخخخخخخخخخخخخ |
ههههههههههههههههه
فنون وابداعات في منتهى العجب في عالم العربجة يعطيك العافية اخوووووووي طليفيح نقل في منتهى الطرافة دمت بخير |
اشهد أني بصير عربجي
على يدك ياطليفيح والظاهر أنك عريبجي ياطليفيح ويعطيك العافية |
الله يرجك يا طليفيح الزحف حتى النحف .. مشكور اخوي طليفيح موضوعك .. رايح في الرحله .. يعطيك العافية |
ههههههههههه
مشكور طليفيح على العربجه ســــلام |
الله يرجك ياطليفيح
|
ههههههههههههههههههههههههه
الله يرجك ياطليفيح على العربجة المميزة ولاهنت يالغالي |
أنت يا طليفيح يا العربجي مو عشانك عربجي تبي الناس عرابجه
الله يكفانا شرك يا العربجي الله يذكر زمان أول عطنا من سوالفك بالمدرسه مشكووووووووووووووووووووووووووووووووووووووور ودمتم |
عربجي كوووووول
لاهنت خيوو طوليفيح على هيك حركات صراحه العربجه عالم ثاني وزين باقي كم درس ماشرحتهم ياأستاذ طوليفيح وينهم وبعدين ترى للعربجه اصوول مو أي كلام مو أي واحد يصير عربجي لازم تكون فصيلة دمه ـــ B تقبل أحترامي |
الساعة الآن 02:07 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.