قصيدة التويجري في شاعر المليون
السلام عليكم ورحمة الله وبركاته
إليكم قصيدة ياسر التويجري في التي قالها في شاعر المليون [poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"] ولدت ساطي ومتغطرس وأحب الخصام=ولا أعترف في إدارة طبـع والا مديـر أوجدت نفسي من اللاشـي والانعـدام=نبذت فالمجتمع لانـي صريـح وفقيـر ماكان تفكيري الا كيف أخطف السنـام=والحمد لله خطفت اليـوم كـل البعيـر إن لم يكن مركزي بالصف الاول أمـام=ماعاد تفرق معي لو كنت قبـل الاخيـر الله أكـبـر ولله البـقـاء والــداوم=وهو الاله الاحدوهو السميـع البصيـر أخذت من مدرسة أحمد عليـه السـلام=مالاخذيته من مخـاوى وزيـر واميـر وأخذت من تجربة عبدالعزيـز الامـام=وش يصنع العلم لا خاواه سيف شطير واخذت من فلسفة هتلرعـدم اللالتـزام=وكسبت نفسي وريحت القلق والضميـر وابشرك حالتـي دايـم علـى مايـرام=من ركعتين الفجر اليـن بعـد الاخيـر صحيح عندي تحفظ على بعض الانـام=مثل معمر وابو مـازن وتونـي بليـر لكـن انـا مااحـب اقلـل الاحـتـرام=واذهب ضحية طموح الغرب وانا صغير قومية المسلمين اللـي عليهـا الكـلام=راحت معا خالد وعمرو وعلي والزبيـر الله ولا ذل والتخـويـن والانـهــزام=ياعابدين العروش الوضع جـدا خطيـر يابو خلف كيف حالك عل حالـك تمـام=انسى القصيدة وهات علوم اخوي الكبير شيخ عرفته وتقريبا لي اربـع اعـوام=يومني اجيـه لا جايـر ولا مستجيـر يشوقني له نشوق الوسم عقب الحيـام=في صفرة جوهـا ماهـو بفيـة هديـر الشيخ ابو خالد محمـد عـداه المـلام=اللـي يصيـر مـن الاصرارمالايصيـر حـد الثمالـه اعـزه لاعلـي الحـرام=انـي احبـه وحـبٍ لودرابـه يطيـر يطير مثل الوحش لاضف ريشه وحـام=وحول على الذايره بالجو مثـل المغيـر ان الملوك اذا اعطـوك حـب وغـرام=خلوك من سائر الخـدام يعنـي خفيـر الا انـت ياراعـي التقديـر والاهتمـام=ياللي رحمت الصغير وشلت هم الكسير اذا البـلاط الاميـر والكنـب والرخـام=له شاعر يدهله في صبح والا عصيـر فانادهلـت الثرياوالقـمـر والغـمـام=وحولت اداهم طرف مشلحك مالي خشير كفـرت بالناقصـه والغـدر والانتقـام=وامنت باانك حزامي بالنهـار العسيـر من لايقدر ثباتك مـع عكـاك الزحـام=ماهوبوالله مقدر ويش معانـي جريـر يارا س عيطا يمسك البدء قبل الختـام=يالنادر اللي على صيد المكـارم شهيـر يالمهدي المنتظر بالحاجتيـن الجسـام=المدة المسكته والاخـذ بيـد الضريـر ياسيدي ودي افهق لك ضلوع العظـام=واعطيك شي بصدري وانت رجل خبيـر اناتراني اعانـي نـوب مـن انفصـام=يوثرعلى البرمجة في راسي المستديـر واصير احس اني البارود والا الحسـام=في ساحة الشعر من تبوك لاقصى عسير ممايسبـب لبعـض اعدائـي الاحتـدام=اللي يحسبون قرض الشعر مثل الشعير والشعر وان كانه المقصودبـاول مقـام=فالله يرحم ابو الطيـب ويرحـم زهيـر روح التنافس وحب الشيخ والانضمـام=ماهي بتعني لدى الكثرة نهاية مصيـر والشاعر اللي معه عزوة خوال وعمـام=تفداه وايـل وترقـب مستعـدة مطيـر والله فلا ينقهـروالا يضيـق ويضـام=لاجاء اللززوالملاقى والقبـس والنذيـر وجمع الدراهم ماهي باكبر طموح الغلام=اللي جمع من قلوب الناس شـي كثيـر من حبني رغم تفويتـي لـه الانخـدام=واللي كرهني فهذا شخص ملعون صير دام المعـارك صغيـره ماعلينـا لـزام=ينوب عن سيفـي البتـار اصغرجفيـر قرات فيماقراتـه مـن بلـوغ المـرام=اللي ترك شـي لله عاضـه الله بخيـر[/poem] ولكم التحية ،، |
[grade="00008B FF6347 008000 4B0082"]ياسلام عليك ياغانم
انشهد انك شقردي والله من سمعتها وأنا أدورها رائعه فعلا كمبدعها والحلو فيه ماعطى مجال لأن تتنافس قصيدته مع البقيه تعجبني ثقته بنفسه ... ... تسلم يارب على القصيده راعيها[/grade] |
الله يسلمك يا فتون
ويعطيك العافية على مرورك |
تــسلم ابو رائد ..
والله قصيده روعه تحياتي لك .. |
تسلم يابو رائد
لو أنه ماأنسحب المليوووون |
صح لسان التويجيري ولاهنت يأبو رائد على النقل
,وهذه القصيدة بصوته [rams]http://www.alraidiah.net/profiles/twegri01.amr[/rams] ويعطيك العافيه |
ياسر التويجري
وجنون لدرجة ان يمتلك كل مشاعر المليون ابو رائد السبيعي الف شكر لكم دمتم بكل خير |
سلمتم على مروركم
وشكرا لك السبيعي على اضافة القصيدة بالصوت |
ابو رائد
الله يعطيك العافية على النقل المميز وصح لسان ياسر والصراحة حرام انه ينسحب |
أبو رائد
انا ما شفت الحلقة ولكن الكل قاللي عن قصيدة ياسر و الله من كثر ما سمعت عن هالقصيدة قعدت أدورها و توني أشوفها هنا سلمت على هذا النقل الرائع و صح لسان ياسر |
الساعة الآن 02:55 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.