ياوجودي وجد عودٍ لا عيال ولا قرابه
0 00 000 هذي قصيدة لـ الشاعر سلطان بن وسام الهاجري.. لـعـل وليت وعسى... ماهي مكررة. :biggrin: [poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"] يالحـون العـود والا يامجاريـر الربابـه=إختلف معنى القصيد وضيّـع الفنـان فنـه حلم مدري علم مدري نوض برقٍ في سحابه=أثرها طلّة جبينـه يـوم زاح الليـل منّـه أقبلت مثل الفرس لا سمعت طبول الحرابـه=مقتفيهـا ليـلٍ أسـود والنجـوم يفرّّقـنّـه النهار يمـر ويعـدّي وليلـه فـي عقابـه=النحـر صبـحٍ تجلّـى والجدايـل كنّهنّـه مخملٍ يلتفّ فـوق الجيـد الأتلـع بالنيابـه=عن سلاسيل الذهب والماس خوف يجرّحنّه غاب عنّي والوله خلاّه عندي فـي غيابـه=مادرى ان فرقاه نار ولا درى ان لاماه جنّه ياوجودي وجد من صفّق على ماضي شبابه=بان شيبه والسنيـن اللـي يبيهـن خالفنّـه غرّته خضر السنين وراح عمره مادرى به=غرّرنّـه وارفعنّـه ليـن سـجّ وحولـنّـه وياوجودي وجد عودٍ لا عيـال ولا قرابـه=ماجـداه إلا يـونّ ويـردف الونّـه بونّـه مالقى فزعـة رفيـق ولا دعـاةٍ مستجابـه=كلّ ماامساله بظـنّ خيّبـت الايـام ظنّـه هذا وجدي في غياب اللي نزح والله جابـه=صح فرض الله فرض وسنّة المرسول سنّـه الغلا جسمٍ رقيق ومرهف احساسـي ثيابـه=مثل غصن الورد يـوم الهبايـب يطرقنّـه مازرعت إلا غلاه ولا نقلـت إلا صوابـه=والحشا ماضاق من خضر الطعون المستكنّه ياحبيبي مازها كفّ الخضـاب إلا خضابـه=فيه نظم المفـردات وفيـه للعشّـاق عنّـه الظبي ماله شبيـه وبينـك وبينـه تشابـه=إلتفت بشويش وألقى فيه منـك وفيـك منّـه خالقك من فضّل محمد على كلّ الصحابـه=وسخّرك مثل المهار اللي تسخّرها الأعنّـه والثنا والشكر للي رحمتـه تسبـق عذابـه=لا لخلـق الله شكـر ولا لخلـق الله منّـه قاله اللـي ماخـذا ممـا يريـد إلا هبابـه=خيرة الفارس ثنيّة خيـل صفـراً مستعنّـه [/poem] 000 00 0 |
ابن وساااااااااااااااااااااااااااااااااااااااام ونعم والله وفحل من فحول الشعر ولاتهون ياناقلها
|
تسلم يابو باروووود
والله يعطيك العافية على هذه القصيدة للشاعر الكبير سلطان الهاجري |
السلام عليكم ورحمة الله وبركاته
والثنا والشكر للي رحمتـه تسبـق عذابـه ----- لا لخلـق الله شكـر ولا لخلـق الله منّـه قصيدة اروع من الرائعة ، نقلا موفق ان شاء الله وجزاك الله الجنة0 |
شـكــ وبارك الله فيك ـــرا لك ... لك مني أجمل تحية .
|
الساعة الآن 07:47 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.