منتديات الرائدية

منتديات الرائدية (http://www.alraidiah.com/vb/index.php)
-   منتدى الشعر المنقول والصوتيات (http://www.alraidiah.com/vb/forumdisplay.php?f=8)
-   -   كل من يقول إن البنت عنوان الخيانة .... (http://www.alraidiah.com/vb/showthread.php?t=44650)

صاحب السمو 19-01-2008 09:21 AM

كل من يقول إن البنت عنوان الخيانة ....
 
بنت والكل قال البنت لازم تخون
لازم تطعـنك في يوم وترحل

كيف تباها الحب لك تصون
كيف تباها تحبك وبحبها اتدلل

غلطان يا من حبيتها بجنون
مستحيل البنت لك فيوم تنذل

ترى كل عذابك ودموعك عندها تهون
بس المهم توصل لمطلبها ترحل

لاتحب لك بنت يا غبي لو مهـما يكون
حب لك بقره ترى والله افضل

هذا كلام منهو قلبه مطعون
بغدر بنت وهي حبه الاول

ارد عليكم مب كل بنت تراها تخون
وبضرب لك مثل بحبيب صرت له منذل

عشت ست شهور ودمعي ما يفارق العيون
وقلبي من عذابه صار منحل

ابتسم له واقوله يا روحي يا مضنون
وينـها بسمتك وانت القمـر لي حل

يبتسم ويضحك وربعه علي يضحكون
على باله غبيه ما افهم كلامه اللي يعـل

وربي مشيت معاه وكل يوم تزيد بس الطعون
ما همني طعنه بس المهم يكون الاجمل

اعطيته وردة وفاي وله صارت تمون
لكن سقاها المر وصارت كل يوم تذبل

وفارقني بعدها بكل هدوء وسكون
ما سمعت منه كلمه ولا حتى علي طل

وربي للحين ما عرفت سبب فرقا المضنون
ولا عرفت ليش الدمع على خدي حول

عرفـت ان كلامه كله كذب وظنون
وان عمره ما حبـني ولا حبه لي وصَل

كان بكلامه معاي كل يوم زوجته يخون
ويقول لاني متزوج وبصير لك المعرس الاول

لبسني كفن ابـيض وصرت به مدفون
ولبسني ثوب العذاب اللي بعشرتي معاه فصَل

اسمع يا من تنعت البنت بالغدر والخيانه والطعون
اشوف الرجال صان بيـته وللامر امتـثل

اشوفه بدى حرمته على كل بنت بصوت مزيون
اشوفه يحب بيته ولشوفة اهله يتعجل

وربي انه ما صان عشره دامت سنون واسنون
وربي انه غدر باهله اللي هم الافضـل

كيـف ابيه اليوم لعشرتي انا يصون
كيف ابيه بحبي يمـوت ولي انا يمتثل

ترى يا خوي مو بس البنت هي روحها تخون
وربي الخـيانه تجـي من افضل رجـل

كلا الجنسين ياخوي دوم يغدرون
وكلا الجنسين تعذب وبالعذاب ارتحل

لا تظن ان جنس البنات هو بس روحه ملعون
ترى ابليس لقلب كل واحد منا وربي وصـل

وكلــنا في يوم ذرفـنا من دموع العيون
وكلنا والله تعذبنا وجسمنا من العذاب نحل

لكن الوفي طول عمره وفي ابد ما يخون
اما الغدار فسلم عليه اذا لعندك وصل

وســـــلامـــــتـــــــكـــــمـ....

عهد الغرام 19-01-2008 09:34 AM

يعطيك العافية


وقصيدة جميلة بس والله الخيانه دائماا من الرجال



ويسلمووووووووووووووو


ولك




:101:

صاحب السمو 19-01-2008 04:17 PM

الرائعه عهد

اولا اشكرك مرورك الجميل

ثانيا الخيانه مو بس من الرجال الجميع يخون سواء كذا ولا كذا

وبعدين اصابعك ماهي سوا يالغاليه

لكي تحياتي


الساعة الآن 07:19 PM.

Powered by vBulletin® Version 3.8.7
Copyright ©2000 - 2024, Jelsoft Enterprises Ltd.