|
اعتزال سامي الجابر
[align=center]بسم الله الرحمن الرحيم
السلام عليكم ورحمة الله وبركاته اما بعد طبعاً اكثركم سمع عن اعتزال سامي الجابر وقبل أن ادخل في صلب الموضوع احب ان ادعو للكبتن سامي الجابر بالتوفيق بما يرضي الله وان يغفر له ذنوبه ما تقدم منها وما تأخر وما ظهر منها وما بطن وأن يكون قدوة حسنه للشباب الصالح طبعاً اكثركم يعرف أني سائق لليموزين ومن الطبيعي سائق الليموزين دايماً يدور في شوارع المدينه المهم وانا ادور في احد شوارع الرياض وبالأخص في حي الريان لفت نظري تجمهر الشباب على محلات المقاهي والكوفي شوب وبصراحه منظرهم كان ملفت للنظر وبيني وبينكم كان على بالي في توزيع اكواب شراب الموكا والهوت شوكليت او الكابتشينو ببلاش المهم وقفت عند احد المقاهي وسألت لي واحد من الشباب اللي واقف وقلت له : مساء الخير قال لي : هلا مساء النور قلت له : وش السالفه ليش اليوم كل المحلات الكوفي شوب زحمه ؟ قال لي : شكلك منت عايش في الدنيا قلت له : افا ليش ؟ قال لي : ياخي اليوم اعتزال الذيب سامي الجابر قلت له : اهاااااا عشان كذا قال لي : بصراحه فاتك نص عمرك قلت له : امحق من عمر أذا كانه بيعتمد على مباريات وعلى كلام فاضي هههههههههههههههههههههه لذى يقول المثل الشيء إذا زاد عن حده انقلب ضده لانه بصراحه منظر الشباب وهم متجمهرين على محلات الكوفي شوب وهم خارج المحل شكله محزن لأنه مبالغ فيه وسبحان الله بالرغم ان الجو كان باااارد وكان فيه شوي مطر ومع هذا ما اهتمو بشي وصارو يتابعون المباره إلى النهايه ولو قلت لهم ياشباب في خطبه او في محاضره أو في مناظره عن الاديان بين أحدى المشايخ المعروفين وبين قسيس من المسيحيين بيعرض بعد قليل على احدى قنوات الرياضه كان شفتهم يتفرقون مثل البرق لذى أسأل الله القدير رب العرش العظيم بأن يهدي جميع شباب المسلمين إلى طريق الحق وأن يغفر لهم ذنوبهم ما تقدم منها وما تأخر وما ظهر منها وما بطن وما اسرر منها وما أعلن إنه سميع مجيب الدعاء هذا والسلام عليكم ورحمة الله وبركاته محبكم في الله وسائق الليموزين / عبرود[/align] |
الله يقويك عبرود ......
فعلا وصل حب سامي الجابر للحزن والبكاء على انهم فقدوا رياضي من ساحة الملعب وليس فقدانه من الدنيا .........للاسف هناك مئات الاباء لا يجدون من ابنائهم كل هذا الحب او القليل منه.... الله يهدي الجميع.............. ويعطيك العافيه... |
الله يعين
سامي كسب قلوب الجميع اقتباس:
ربي يسعده ويجزاك بالخير عالموضوع وفعلا هذا حال الشباب الله يصلحهم ويهديهم وزين ان تجمعهم على مباراة مو على شيء ثاني |
عبرود
دعوة صادقه من قلب مؤمن صادق اقتباس:
سلمت .. والله يعطيك العافية على ما كتبت |
يعطيك العافية
وكلامك صحيح بس صدقني اذا في لجنة اعلامية قوية لمثل المحاضرات او المناظرهـ مثل اللجنة الاعلامية لاعتزال اي لاعب كان ممكن الشباب يحرص على حضورها مثل المباريات لكن مع الاسف دائما الاعلام يكون قوي للاشياء الي فيها الكثير من اللهو والي تعود بالنفع المادي علية ويسلمووووووووووووووووو ولك :101: |
| الساعة الآن 05:17 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.