الشاعر فيصل اللويش ( قصيدة كلنا الخفجي )
 

[align=center]السلام عليكم ورحمة الله وبركاته

http://www.alraidiah.org/up/up/20375681820080223.jpg

(كلنا الخفجي )

[/align]


[poem=font="Simplified Arabic,7,white,bold,italic" bkcolor="transparent" bkimage="backgrounds/26.gif" border="none,4,gray" type=1 line=0 align=center use=ex num="0,black"]
كلنا الخفجي ولاعنك يالخفجي صدود =قطعة منا وفينا وعدت مجملا

قالها الشاعر خلف يوم ردينا الحدود= يوم صيت المملكة بين الاوطان اعتلا

ردها فهد المسمى الفهد ابن السعود = صيرمي كل هم يمر أبه انجلا

يوم وقف وقفة ترتعب منها لأسود = وقفة كسر بها خشم راعين البلا

فارس يدحم بفعله طوابير الحشود = يوم صاح ارتجت الارض والجود امتلا

كل ماعجعج وغاها على الشده يزود = فارس بالمعمه مايمل ولاكلا

حوله اخوان تبرم طحاطيح فهود =كن واحدهم ليا ثار موت مرسلا

لامشو كن البحر حول بطود وطود =عيال عود كل ماثارت الهيه دلا

معزي اللي يورد الموت واحواضه ورد= سبع لامنه صرخ هابت سباع الخلا

سولف التاريخ عنه وللموقف شهود = يوم كسر كل بدعه وللظلمه جلا

من وراه جبال ورجال وافين العهود = بالشدايد هم اهل حرب وللنصر قتلا

كبارنا وصغارنا ان ثارت الشده جنود = ماترد اقدمنا النار لو جمره صلا

عز شعب كل ماثارت العجه يجود = كل دم لانتخى القايد الاعلى غلا

ارتكينا وارتقى القايد الاعلى سنود = واعتلينا يوم ابو فيصل بصيته علا

مملكتنا دونها نبيع الارواح ونذود = عن حماها وماعداها له الخاطر سلا

ردت الخفجي وغنى لها رمل النفود = والرياض اتهندمت والعيون تكحلا

عل قبر ضم ابو فيصل بهاك اللحود = بظل غيم صيب وافي ومحملا

يبل قاعه كل ساع وتفيض ابه الخدود = فوق قبره خشوم مزن تهل وتهطلا

بظل عبدالله ذرانا تقدمنا يزود = المليك اللي يكن له المواطن له غلا

جاعل بند المواطن على كل البنود = من جهوده أثمر الخير والضيق إنجلا

بيعة الملك بارقبنا للملك وعد وعهود = سمع وطاعه من الخفجي وعهد وولا

ياسعودي سير دربك ودربك للصعود = وافتخر حد التفاخر على كل الملا

يابلاد الخير سيري على نهج الجدود = منهج التوحيد شرع الكتاب المنزلا [/poem]

يعطيك العافيه طليفيح صح لسان الشاعر فيصل اللويش

دمت بخير

نجمة السهيل

[align=center]http://www.alraidiah.org/up/up/20375681820080223.jpg[/align]


[align=center]فيصل اللويش دائما مثل النخيل شامخا
صــــــــــــــــــــح اللسانــــــــــــــــــــــك
يابوطـــــــــــــــــــــــــــــــــــــــــــــ ــــلال
وبيض الله وجهـــــــــــــــــــــــــــــــــك
أقف خمس دقائق أحتراما لـــــــــــــك
القصايد تفتخر فيـــــــــــــــــــــــــــــــك
وشكرا للناقل [/align]

لله دره

الشاعر فيصل اللويش

قصيدة في القمة

ورد خطأ مطبعي في البيت التاسع ( ورد )

سقط حرف الواو سهوا ( ورود )

أرجو التعديل ولكم الشكر الجزيل


لله درك أخي الغالي طليفيح

كل الود والورد لكم

صح لســان الشاعر ابو طلال

ويستاهل الخفجي رجل مثل الشاعر فيصل اللويش ورجال مثلكم وشرواكم