منتديات الرائدية - !! ذاكــرة طــفــل...وســــــؤال ؟؟ !!

ساري سرى وسط الضمير وقلت له شد الرحال
.................يا سارين اتعب ظهور الخيل واعتاد الرحيل ‍‍‍‍‍‍!!

تعبت اسامر وحدتي والناس حولي بانشغال
.................هذا على هذا وذاك وذيك بس قولـن وقـيـل !!

ما منهم الي يفهم اللوعه تفاصيل الـمـقـال
..................والقول يا قاله ضميري قال لي الغافل ثقيل !!

يقول لي الغافل ثقيل وشعركم هذا هبال
...........وانا من اشعارك اشوفك صرت يا محارب هبـيل !!

أدري ثقيل !!

أدري ثقيل ومنت قدّه وانت مشغلك السؤال ؟؟
.........عن كل ما لذ ؟وطاب؟ وطـبت يـا الـخد الاسيل !!

عطني دليل ان نظرتك ابعد من الشوفه وصال
........مع الاسف يا نظرة الرجال بعده نـصـف ميــل !!

حان الرحيل ولملمي جروحن على غيري ثقال
........وأعز عفشي( دفترين)وكم(كتابن)به حصيـل !!

العمر الاجدب ذكريات الامس يا اغلى دلال
...انتي رفيق الدرب الاوحش يا رجع عنه الهزيل !!

تعبت فعلا..........!!

تعبت فعلا عالمي موحش واحلامي جبال
....أغليك يا سر الرجال !! اتــوبعك جيلن لجيـل !!

لملم قصاصات القصيد الي يبي يجيله مجال
...انه رصيدي في حياتي يـا عـمـيلـن مـا يـميل ‍‍!!

ارمي زواد العفش دولابين وثيابن سمــال
...خلي السمل يلقاه من هو له على السكه يشيل !!

ناضت بروق............!!

ناضت بروق أخيلها أحدد الوجهه شمــال !!
...يا ضاقت الدنيا شمال الشمل الاطيب والعميل !!

الوقت الابـرك دايمن احـدد الـساعه زوال
..ابي رحيلي للعيان محـارب ولاني ذلـــيــــل !!

لقصرة كبير وجار مع نجرن ورسلان الدلال
..بارد شنينه واللبن والزبد في جوف الصميل !!

يــــاكــــم تفرست الوجيه !!!!

يا كم تفرست الوجيه مضيعن بعض الرجال
.خبري بهم قالوا لنا ما عاد نبغى به مــقــيــل !!

الله يا ذيك الرجال الي يطول بها المقال !!!!
..الي بذروا بالروح آيــات الشـيّم عند الاصيل !!

الله كالحلم القديييييييييييييم..... !!

الله كالحلم القديم و(ذاكرة طفل00 وسؤال ؟؟)
..ما سكه من يدّه( ابوه) وقال شوف المستحيل !!

الي يتكرر في زمانك!! قال (ياوليدي) تعال
......هذا فـلان !!وذا فلان !!وذاك حماي الدخيـل !!

وهذا مكمل درب ابوه!! وذاك ابناخي لخال !!
...باكر يصير الشرح جرح وشرحك لهذا طويل !!

انا أعتبر نفسي لحالي شفت تاليهم مثـال !!
....اقسـم بربي حنا...بالنسبه لــهم خلقن جمـيل !!