|
ऌ قَصَآيدَ شَعَرَيَةَ مَنَ الدَيَواَنَ الثَاَلَثَ لَلَشَا‘عرَ{ خاَلدَ الَفَيصَلَ } ऌ
:: المعاناة :: ياليل خبرني عن امر المعاناه ..! هي من صميم الذات والا اجنبية ..! هي هاجس يسهر عيوني ولابات ..! او خفقة تجمـح بـ قلبي عصيّه ..! او صرخة تمردت بين الاصوات ..! او ونة وسط الضماير خفيـة ..! أو عبرة تعلقت بين نظرات ..! او الدموع الي تسابق هميـّه ..! اعاني الساعه واعاني المسافات ..! واعاني رياح الزمان العتيه ..! واصور معاناتي حروف وابيات ..! يلْقى بها راعي الـولع جاذبية ..! ولانيب بـ ندمان على كل مافات ..! أخذت من حلو الزمان ورديّـه .! هذي حياتي عشتها كيفما جات!. اخذ من ايامي وارد العطيـه .! :: يامدور الهين :: يامدّور الهّين ترى الكايد احلى .! اسال مغني كايدات الطروقِ .! الزين غالي لكن الازين اغلى .! ولكل شّراي بضاعة وسوقِ ..! النّو عالي والسما فوقة اعلى ..! لا فاق علم جاهـ علمٍ يفوقِ ..! الصعب هلّى قلت ياصعب سهْلاَ ..! دامك تبيني فانت ياصعب شوقي ..! احب اعسف المهرة الي تغلى .! واحب اروض كل طرف يموقِ .! واحب اسافر مع سحابِ تعلى .! واحب فوق الغيم لمـع البروقِ ..! :: ياسامرين الليل:: ياسامرين الليل في بحر الاشواق ياليتني معكم يلوح شراعي ..! بين القمر والموج لـمعة وبرّاق !.. والنسمة العذبه للأحباب داعِ .! القرب يالغالين للروح ترياق .! والبعد ذبّاح القلوب الوجاعِ .! لاواعنا الي بأطرف الليل مشتاق .! خلوهـ ربـعه مع سلام الوداعِ ..! يسهر مع الذكرى على صفر الاوراق .! في صفحة تشرب دموع اليراعِ .! بين الرجا والياس وقف على ساق .! والدرب بـ قلوب المواليـف ساعِ .! :: استكثرك وقتي :: استكثرك وقتي علي وغدا بك .! عادة زماني كلما طاب هّون .! ليت الذي وداك يازين جابك .! تشوف عقبك كيف الايام سون !.. شرٍقٍ مشيت وغرب وقتي مشى بك .. والقلب ماله لايمٍ فيك لو وَنْ .! عقب الهنا بك ذاق لوعة عذابك .. تلونت دنياهـ ولا تلون .! طويتني طي الاوراق بـ كتابك ..! حتى معاليق الحشآ لك تطون .! اشتقت لإيام الهوى في جنابك ..! يوم الشموع بـ ليل الاحباب ضون .! واشتقت اقول لـ هاتفك مرحبا بك .! واشتقت لـ غيوم الصحاري تكـّون .! عود ترى راعي الهوى عند بابك .. واروا القلوب اللي بـعد ماتروون .! غنيت لك عمري ولا جا جوابك .. واسمي مع مجنون ليلى تدّون .! :: جمال الروح :: كتبت من الشعر في كل معنى ..! ولكن وصف زينـك مابلغنا .! انا وش لون اوصف زين روحك .. وذاتك حسنها ماقد شهدنا .! اشوف الصبح في طلعتك باسم .! وبك خجلة غروب الشمس شفنا ...! تجي مثل الكَرَى سلطة حضورك .! وماتبغيه من حلم حلمنــا ..! نشيت بـ عالمي منشا سحآبه .. يسابق نبتنا فيها زهرنا ..! احبك حب صقّار لـ طيره ..! يعاف النوم لو ريشه تثنى ...! واحبك حب شاعر للقصيده ..! إذا جت ون وان عيت يونى ..! واحبك حب فنان لـ فنه ..! عصر روحه على شانـك تغنى ..! و احبك حب هاوي للهوايـه ..! قضى عمره ولا ادرك ماتمنى ..! واحبك حب من يفداك عمره فتح قلبه وخلاك اتحنَّى ..! :: اسابق الساعة :: اسابق الساعة وتسبقني الساعة .. تقضي وانا توني بأول ثوانيها .. ابشتري وقت وين اسواق بياعه ..! ياللي تبيع الدقايق حد واشريها ..! قلبي يبي وقت لو الوقت ماطاعه ..! وعيني تبي شمس لو الشمس تعميها ...! ونفسي مثل باقي الاجواد طماعه ....! ابي اجدد على الفرحة لياليها .....! لا شك الايام للفرحات منّـــاعه ..! لو نورت ليلة عشرين تطفيها ..! يظهر ثبات الفتى والنفس مرتاعه ...! خوفٍ على الي تحبه من بلاويهــا ..! لو ان كل ينال مناه بـ ذراعه ..! خذيت حقي من اقصاها ودانيها !. المشكل انك يابو لحظين بتّاعه ..! تاخذ سلاحي من الكفين واعطيها ..! وانا ادري ان العيون السود خداعه ..! لاشك ودي اصدق منك داعيها ..! والمهتوي لا اهتوى مايطوي شراعه ..! يمشي على النار كنه ماوطى فيها ..! :: ياصاحبي :: ياصاحبي هانت عليك المحبة ..! لا واحسايف عقب هاك المواثيق .....! جمر الغضا في وسط قلبي تشبـه ..! نارٍ حطبها يابسات المعاليق ... كاس مليته بالوفا لاتكبــّه ..! خله يبلل بالوصل يابس الريـق ..! صبه بـ قلبي ثم مله وصبه ..! وان كان ودك غرق القلب تغريق ..! دام الهوى راسي وراسـك يهبه ..! خذ سجة ترى زمانك توافيق ..! ترى حلاة العمر مع من تحبه ..! شخص تريدهـ من جميع المخـاليق ..! :: ياوش بقى :: ياوش بقى باعطيك مني ولاجاك ..! ماباقي الا روحي احيا بها لك ..! اوصف جمالك كل مانشدت واهواك..! وازين ايامي بـ جلسة خيـالك ..! يالغايب الحاضر بـ قلبي ولا القآك ..! اقرب من عروقي وصعب منالك ..! شالك زماني عن عيوني وودّاك ...! لا شك وثـّق في ضلوعي حبـالك ..! ياحاجب الشمس ورا ليل جفواك ..! ما بالعهـد بك قاسي في دلالك ..! وش غيّرك يامنوة القلب واطغاك ..! على حبيب ماتخير بدالك ..! دنياي ماتصلح بلا شمس دنيـاك .. والليل يوحش لو تغيب هلالك ..! ماينقطـع ظما الهوى إلا على ماك .. ولايهوّن حرّه الا ظلالك ..! ولا تشوف العين زينٍ بليــآك ..! ولا يطرب سمعي الا مجـالك ..! ولاانتفض قلبي من الحب لولآك ..! ولولاك مايبدي على مابدالك ..! :: الحزن في صوتـك :: الحزن في صوتك ازعج ساكني ..! لين صار الكون من حولي حزين ....! غصب عني حزن صوتك هاجني ..! لين خلى عاصي المعنى يلين ..! وامتثل حرف القصيد وعادني .. وانسكب حزنك على شِعري حنين ..! شلت انا صوتك وحزني شالني ..! اكتم الصرخة وينساب الانين ..! شفت حزنك كيف حزنك شافني ..! كيف داهم خلوتي في لحظتين ..! طير انا مثلك زماني ظامني ..! جرّحتني مثلك سيوف السنين .. صابك الي من زمان صابني .. في معاليق الحشا جرحٍ دفين .. كلما ودعت همٍ زارني .. من عذاب الوجد بيّآح الكنين ...! الفرح عقب الصداقة هابني .. خافت البسمة على وجهي تبين ..! طير ياللي صوت حزنك هاضني ..! الله اللي ينتصر للصابريـــن ..! :101: |
.
أموت في خالد الفيصل ( الشاعر ) بوجهه نظري هو أفضل شعراء العصر الحديث وبلامنازع شاعر لاتمل من كلماته ابدا , يطربك ويتكلم عن ذاته بهموم الجميع ,,,, . . . يعطيك العافية الغلاا على اختيارك الرائع |
|
نقل رااائع واختيار اروع ’’’
الف شكر يالغلا ,,, |
اختيار رائع وممميز
لشاعر مبدع .. سلمتِ والله يعطيك العافية |
سلمت اناملك يالغلا
|
الله يعطيك العاافية |
معاند قلبـه ...! شا‘عر يحكي بـ قصائدهـ عن هموم الجميــع الله يسعدك يارب :101: |
’’ حنين ‘‘
الله يعطيك العافية يارب تسلمين :101: |
« الدوووخي » الله يسلمك ويسعدك يالغالي الله يعطيك العافية يارب :101: |
| الساعة الآن 04:13 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.