قصيدة رثاء بالأستاذ فهد العريفي رحمه الله
 

[align=center]فهد العريفي عز من يعتزيبه [/align]

[align=center]مرحوم يا شيخ تفانا بطيبه
حتى توفاه الأجل وانتحابه
بعض العرب لا مات موته مصيبه
وبعض العرب لا مات محد درابه
مات الذي ما قال هاذي صعيبة
اللي تجيه من القضايا مشابه
فهد العريفي عز من يعتزيبه
من مالت الدنيا عليه اعتزابه
لا صاح مقطوع الفزع ينتخيبه
اللي من الأيام يشكي صوابه
أبعد رجل ينصاه كنه قريبه
عنده جميع الناس مثل القرابه
لاجاه مرضان الزمن يعتنيبه
وقضيته من كل قلبه حكابه
بالطيب كل أهل الضمير تحكيبه
شيخ تميز من بداية شبابه
مالوم حايل يوم تبكي حبيبه
سلمى واجا والناس تبكي غيابه
مالومها تبكي ولدها وذيبه
اللي لها خصص جميع الكتابه
ويبكونه اللي بالظروف العصيبة
قلبه لهم والبيت مفتوح بابه
دفع لهم من دم قلبه ضريبه
حتى رحل واليوم ننعى جنابه
أول لنا مثل الجبل نلتجي به
ننطح به أرياح الزمن ما نهابه
رجال عند المعضلة ينهقيبه
ما خاب ملهوف الزمن لا هقابه
يالله على طيب المواقف تثيبه
وتعطيه ما أعطيت النبي والصحابه
وتخلي عياله لنا مثل طيبه
وتمدهم حب العرب والمهابه

مشوح الشمري [/align]

رحم الله الاستاذ فهدالعريفي

شكراً أجا على هذا النقل الرائع


تحياتي ,,