منتديات الرائدية - الطيب جمه والفعايل مواريد ** احد(ن) طويل رشاه واحد(ن) قصيري

[align=center]السلام عليكم ورحمة الله وبركاته
هذه ابيات وجهتها إلى الشاعر الكبير/ مفرح عبدالله الشملاني
الشاعر/ عقيلي المجلاد[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
الطيب جمه والفعايل مواريد =احد(ن) طويل رشاه واحد(ن) قصيري
الطيب ماضن ينشرى يالأجاويد=ايضاً ولا يعرف كبير وصغيري
بعض الاوادم بالمواقف هرابيد =يبلش ولاهو بالمراجل قديري
وبعض الاوادم بالمواقف صناديد= يارد حياض الموت مايستذيري
وانا خوي اللي يصون التقاليد = اللي على درب النشاما يسيري
ابحث عن دياره ولو إنه بعيد=امشي معه وقدّره وستنيري
وإلا الردي ماصاحبه يالاواليد =لو هو ولد عمي وليه يصيري
ماسقت رجلي يم درب المناقيد =درب الردى مامشيه عقلي بصيري
ووين انت ياحر(ن) كفوفك بواليد =ياللي على صيد الجزايل جديري
ضاق الفضابك يوم شفت المهاريد =اللي علت وهي قبل ماتطيري
وياللي تدور الطيب عند الاجاويد =شرواك تلقى يالسنافي كثيري[/poem]

وعند سماع الشاعرالقدير/ مفرح عبدالله الشملاني لهذه
الابيات
ارسل مردهن بهذه الابيات
الشاعر/ مفرح عبدالله الشملاني

[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
بديت بإسم منزل الدر بالديد= اللي على غيب الضماير خبيري
حي الجواب اللي لفى سادس العيد =من شاعر(ن) مثل البحر له هديري
الطيب سندا كل طرقه تسانيد=ماهو بسيط(ن) كل دربه عسيري
ابشر بعزك ياهبا كل رعديد=اسند على الطيب وخل الحقيري
وإلا انت مابك شك ياقاسي الحيد =عند اللوازم تكتفون البعيري
افعالكم بالكون مابه تصاديد=اتحددون شعيل لاجاء النذيري
غدالهن عند المثنى زغاريد=مامات يبقى من سببهم كسيري
إليا تلاقو بالنمش والبواريد=الكل منكم بالملاقى ضريري
هذا وانا من لابت(ن) كيدها كيد=تاريخهم بمجلدات السديري
طلال بالتاريخ وش قال لعبيد=عقب كلامه صار جفنه سهيري
قصرتها لو هي على الدرب تمديد=لوإن فكري بالمثايل غزيري[/poem][/align]