راعي الاولة
 

عبدالكريم محمد الرويلي متبرع بجزء من كبده لوجه الله للطفل عبدالله هاجد الحارثي وكان موقفه مشرف ومُثمَّن من قبلنا وعند الاجاويد وجزاه الله خير وكانت ردة فعلنا معه ومواقفنا لاتقل وفاءاً واعتبرناه ولدنا البار وفي شهر 7/1431هـ دعاني والد الطفل لحضور زواج عبدالكريم قبل الزواج بيوم واحد وحضرنا قرابة الخمسين بما نرى انه يستاهله وكتبت هذه الابيات المختصرة
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
بسم الله اللي نسكن ارضه من تحت قبَّة سماه=الواحد الرحمن رب الكون مال الله شبيه
الله يوفق منطق لساني ويرزقني هداه=أول كلامي ياسلام الله عليكم وابتديه
سلام في دار الملوك اهل المهمات الدهاه=حكام شرع الله كبار الفعل بيضان الوجيه
آل السعود مطوّعين اعتا صناديد العصاه=الله يوفقهم على منهاجه اللي يرتضيه
سلام ياقيف(ن)يشرفنا مجيّ(ن)في رضاه=هل عزوة العليا يوم ان القوم تاخذ من تبيه
يالابة الشعلان راعي صيت(ن) يذرِّي حماه=من قبل ما يقفز على ظهر الحصان ويمتطيه
لا ثارت الهيجا خذا كامل محاصيل الغزاه=كم خصم(ن)اقفا خايب النيَّة وذلَّه يحتديه
سلام من منطوق بالحارث على وجه(ن)وجاه=نبديبها في شان غالينا وداعينا نجيه
سلام من قيف المشايخ والفوارس والرماه=واللي حضر في شان داعينا سلام الله عليه
سلام ياعبدالكريم اللي يشرِّفنا نباه=يوم انت راعي الاولة نكسب رضاك ونبتغيه
والله ياراعي الاولة ما احد(ن)يوفِّي له جزاه=لو كان يقطع له من اوصاله وما تملك يديه
صنايع المعروف للرجَّال زود(ن)في غلاه=واجر وغنيمة عند رب العرش باقي يحتريه
قاله ولدنا وانت اخوه اللي من اسباب النجاه=الله يجمعكم على الطاعات والراي النزيه
مبروك ياعبدالكريم وجعل حظّك في الحياه=اسعد من ايَّام السعد للي دعوله والديه
الله ييسرلك دروب الخير في كل اتجاه=عساك ممن كان في كل المواقف يتِّقيه
آمين يارب(ن)سجدناله ولا نعبد سواه=وانا بذكر الله بديت اول كلامي وانتهيه
وصلى الله وسلم على محمد ملايين الصلاه=نبينا اللي نقتدي بامره وفعله نقتديه
[/poem] وسلامتكم

صح الله ااالساااانك وعلااااشااااانك

ولاهنت وبيض الله وجهك

عبد الكريم كفوووووو والي هو منه وهذي فعول الرجااال

وبيض الله وجه منا ليوم الدين وقليل الي يسوي ما سوااه

واقول /
بااارك الله فيه ورحم الله والديه وجزااه الله خير على ما سوااه


والي سويته ياخوي حسن انت وربعك واجب وانتوا من هل العلوم الغاانمه



تقبل جل اااحترااامي وتقديري

أين الابيااات اني لااراهااا

وجزاه الله كل خير ..وجزاكم الخير كله..

* .. وافي .. و .. متجمــّـل .. و .. أجره على خالقه ..!!
وأنت .. منت بــ بعيد عنه .. ياحسن ...!!
عز الله .. إن ربعك .. ماخابوا .. يوم .. عمـّـدوك .. الشعر .. يافارس الحرف .!!
ولآ زلت عند رأيي فيك ....!!
بـ أنك شاعر .. مختلف .. و .. راقي .. و .. جميـــل ................!!
و وجودك معنا .. وبيننا .. رواية تميز ....!
نفخر بها .............!!
ونبتهج ..!!

:
:

لك كل ودي ................!!
سلالالالالالام ..!!

يستاهل عبدالكريم

مبروك زواجه

والحمد لله على سلامه ولدكم

وصح لسانك

قصيده رائعه

الله يعطيك العافيه كفيت ووفيت بارك الله فيك

صحّ لسانك.. ما قصّرت.

.. حسن الحارثي ونعم فيك وبربعك وقبيلة الروله ...!
.... الله لايهينك على القصيده الطيبة التي ان دلت تدل على شاعر جميل ...!
.. لاهنت على وقفتك الطيبه ..........//
.
.