أخوي Power Speak
على راسي من فوق يالطيب
وكل ماقلته على عيني وراسي ، اخوي انا يضيق صدري لاشفت ناس مؤيده لهذا الشي
يعني انت تعترف بأنه راح يوقعنا في مشاكل كثيرة وراح تكون فتنه للشباب
طيب ليش انت تثني عليه وتقول مافيه شي وبالكويت يسوقون وعادي
وانا اخوك ادري اني ماراح اغير في المية واحد لكن يكون لي صوت مسموع
ما اكون مهمل في هالمجتمع صفر على الشمال
بعدين يالطيب لما يتم تطبيق القرار وتجبر عليه الافضل انك تتقبله بعدم قناعة
وانت عاقد العزم على عدم تطبيقة في اهلك اهوووون بكثير من شخص يجي القرار
ويتم تطبيقه وهو يتفرج لايهش ولا ينش ولا يعترض بالعكس تلاقيه معطي اهله كامل
الحرية
هذا الخوف وهذا اللي نصيح منه ، يعني اقل شي يكون عندنا رفض في داخلنا
لذلك نحاول اقناع الجميـــع بانه هالشي مرفوض وانه اذا تم تطبيقة احرص انه مايبلغ
اهلك ( الكلام للجميع ) .
مع العلم اني ماراح ارضى فيه لخواتي ولا بناتي بإذن الله
وابشرك يالغالي حتى سواقين ما نتعامل معهم ويستحيل هالشي
وحتى الجماعة والقرائب هم قلة جدا اللي يملكون سواقين لبناتهم او حريمهم .
مع العلم انه وجود السواق + المحرم كالابن البالغ سن الرشد ولم يبلغ سن قانوني لحمل الرخصة
مثل 15 ... 16 ... 17 او الابن اللي وضعه الصحي مايأهله ان يقود السيارة
هذا اعتقد لابأس بان يكون لاهله سواق بشرط ان يتواجد معهم كمحرم .
قرار قيادة المرأة لازال بين اخذ ورد وكثير من المشائخ ولله الحمد رافضينه
وسمو وزير الداخلية رد الموضوع الى هيئة كبار العلماء وانه شأن داخلي لا
يتعلق بالامن بشكل مباشر ، وهذي بوادر طيبه اذا رفع الامر الى اهل العلم ،
وإن كنت مؤمن انه راح يجي يوم من الايام ونشوف البنات يدورون بالحواري .
مسألة البنت اللي تقضي حاجتها ولا اللي تدور بالحارة
ماقصدت احد بعينه يالغالي ، لا والله بس مثلك عارف ولا يهونون الاعضاء
بدايت الشي حسن ثم يتطور ويصير فيه انحرافات ، بمعنى بدايتها قيادة
المرأة للسيارة عند الضرورة ، بعد سنه ونص تلاقيها اخذت حريتها
لانه الزوج تعود انها تطلع بسيارتها عاااااادي ، بعد فتره البنت الدلوعة
تكسب موافقة ابوها على انها تزور صديقاتها بالليل ، بعد فتره ينحل الامر
ويقع الحبل على الغارب وتصير الدعوة فرررري ، ولك انك تستشهد بالامثلة
في دول الخليج .
سالفة مشاهدي المرعبة 
أنا وجهتها لك لانك مؤيد لقيادة المرأة حسب مافهمت من ردك السابق
بدليل انك تقول انه في الكويت تشوفه بكل مكان وعااادي مافيه مشاكل
فقلت احطك بهالموقع اللي ممكن يصير لاختك ولاختي ولاخت اي عضو
من الاعضاء لو فرضنا ( لاسمح الله ) انها تقود السيارة .
واستشهدت بسوالف الاختطاف حتى لاتقول اني ابالغ وانه هالشغلات ماتصير عندنا
الوضع خطير ويجب على كل شخص يحسب حساب بكره ، والله هالموضوع ان تم
ليجر علينا بلاوي ومصايب حنا في غنى عنها .
وهو فعلا تحرر وانحلال و فيه ضياع لكثير من الاخلاق واصبر فتره بعد تطبيقة
وراح تشاهه كل شي بعينك .
نسأل الله ان لا يتم ذلك وان يرد كيد كل يسعى لانحلال الاسرة المسلمة في نحره
وان يحمينا ويحمي بناتنا وابنائنا من هذه الفتن
اعتذر مه ثانية اخوي Power Speak انا في ردي السابق فصلت وحاولت اقنع
قد ماقدر بس الظاهر موضوعي فعلا مشتت ، فالعذر والسموحه .
تحيتي لكل من يحارب فتنة قيادة المرأة
ودمتم بخير