[شمالي]

[align=center]بسم الله الرحمن الرحيم
السلام عليكم ورحمه الله وبركاته

إخواني , , , اخواتي في منتديات الرائديه
عندي هالقصيده مادري منو قائلها ؟؟
ياليت اللي يعرف صاحبها ... الرجاء إعلامي بها .

اترككم في جو القصيده ....


[poem=font="Arial,4,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
شفتها ياسعود صدفة بعد ماغابت سنين =عند قسم المختبر وسط مشفى الجامعه
جيتها ثم قلت ممكن في سؤالي تسمحين =ناظرت فيني بدهشة نظرة متواضعه
قالت انته تحسبني من بنات صايعين =تحسبني في زماني عن طريقي ضايعه
قلت انا ماراح اطول كلبوها كلمتين =وابعدت عني شويه ثم جتني راجعه
قالت اسأل واضح انك من رجال طيبين =بس هرجك يالسنافي كان وشهو دافعه
قلت انا حبيت وحده يوم حنا صغيرين =ومن ثمان سنين راحت للمواصل قاطعه
عقبها ماذقت نوم يهتنيه النايمين =ساهر في طول ليلي لين شمسي طالعه
اذكر انه فيه حبه فوق ثغره من يمين =واذكر انه لاجرينا كن شعره تابعه
واذكر انه عاشق فالورود الياسمين =صار قلبي بالورود اللي عشقها زارعه
طابع اسمه بقلبي فيه سين وفيه عين =وفيه الف وفيه دال وسط قلبي طابعه
قاطعتني بقولها سبحان رب العالمين =كررتها مره ومرتين وثالثه ورابعه
قالت الموقف وقلبي والمحبة والحنين =كيف اشوفك بعد ماكنت عنك قانعه
قلت انا بسألك انكانك انتي تذكرين =عن مواثيق ثمنها من حياتي دافعه
قالت ظروف الزمان ماتطيع العاشقين =بيعوني غصب حبك لوهو ماني بايعه
انا في دنياي حالي كنها حال السجين =حتى لو فكوا سراحه فيه شي مانعه
زوجوني غصب واحد وحرموني حاجتين =السعادة في زماني والحياة الرايعه
والحين انا ام لثلاثه عندي ريم وياسمين =والولد اسمه على اسمك والمشاعر جايعه[/poem]

أتمنى تعجبكم...أنتظر آرائكم[/align]