[مطلق الشمري]

يا اخوان انتم جالسين عند اهلكم واذا سافرتوا رحتوا مرة كل سنة للرياض وجيتوا

لا وبالسيارة بعد

وجالسين تقولون مانبي مطار

الا نبي مطار ومحتاجين مطار

الى متى وحنا كل ما نبي نروح مكان رحنا مطار الدمام ولا الرياض

هذا اذا وصلت وما حصلت حجزك راح عليك ولا حطوا احد مكانك وجلست تترجى خلق الله ولا لغوا الرحلة وتضطر ترجع 700 كيلو اذا مو 1200 كيلو

بتكلم عن نفسي

انا اشتغل بجيزان لي حوالي السنة وكل شهر او اقل ارجع الخفجي

والله ان اجازتي تطلع علي بهم الطيران والرحلات

ومرات اقضي 24 ساعه سفر بس علشان اوصل الخفجي (لو رايح بالنقل الجماعي وصلت اسرع)

هذا اذا لقيت رحلة للدمام مباشرة
كالعادة انزل مطار الرياض واطلع بتاكسي لمواقف الاجرة بالرياض واخذ تاكسي ثاني للدمام واطلع بتاكسي ثالث للخفجي

كاني بن بطوطة وربي

لا نص اجازتي ونص راتبي راح

وش فرقنا عن ابها

ابها ما تجي كبر الشمالية

لا وعندها مطار جيزان 120 كيلو

ولا ابها كان عندها الامير خالد الفيصل

بعدين حنا ما نتكلم عن مطار دولي

ولا نبي زي مطار الملك فهد ولا مطار الملك خالد

كل اللي نبي مطار داخلي

ولا نبي طائرات بوينغ

نبي الماسورة ام 100 راكب

اللي اذا نزلت منها تحصل طبلة اذنك مشقوقة ويجيبك صداع شهرين قدام

هذا اذا ما جلست تبكي بالطيارة من شدة الالم والتنسيم اللي يصير براسك مدري بالطيارة

المهم فية شي ينسم بس مجهول المصدر
والمطار شووية اسفلت وصاله انتظار اربعه في خمسة وبرج مراقبة

حتى مانبي برج مراقبة متطور

ان شاءالله من ابراج سلاح الحدود الحديدية ويوقف عليها مراقب معاه دربيل ليلي

عاد من كثر الرحلات

اخاف يصير تصادم بالجو من كثر الطائرات فوق الخفجي

ونبي رحلتين الرياض ورحلتين جدة بالاسبوع

وكان الله غفور رحيم