[أم دحومتي]

السلام عليكم يا شيخ جزاك الله خيرا على تعبك معنا

عندي رؤيتين :

الاولى : كأن وحده أعرفها عطتني 3 صناديق صغيرة هديه لي الأول فيه عطر والثاني والثالث ما أدري

( علاقتي مع هذي المرأة عاديه أنا وهي متزوجات وعندنا عيال صغار رأيت الحلم بعد زيارتي لبيت أهل زوجها بيومين تقريبا)



الرؤيا الثانيه

هذه الرؤيا بعد صلاة الإستخارة بأيام

رأيت أني اصعد درج مجلس عائلتنا لمناسبه بس مو زواج ( مجلس العائلة كلها اللي فيها الأفراح والمناسبات والوفيات )
صعدت الدور الثالث ومعي أختي اللي أكبر مني ( الدور الثالث مخصص غالبا لغرفة العروس وأهلها) وكأني لابسة فستان أبيض فيه شك من نفس اللون و أقول أمي مختارته لي حلو بس تفاجأت إنه مكشوف الصدر وصدري ظاهر تقريبا كله وأحاول أستره بس مو راضي وقلت أبي أبدله وأنتهى الحلم.

( أنا متزوجه وعندي عيال ووالداي على قيد الحياة الحمد لله،،،، وتوه جايتني وظيفة وخيروني ما بين مدارس متوسط و أنا أبي إبتدائي و أمي إختارت لي مدرسه منهم وقالت هذي أحسن وأنا كنت مو مقتنعه وحاولت أغير بكل الطرق بس ما فاد بس بعد فتره وبعد الرؤيا إرتحت لإختيار أمي مع العلم اختي متزوجه وعندها عيال ومو متوظفه)