[تباشير الصباح]

** الثانوية الاولى ... وما أدراك ما الثانوية الاولى ..
يا ثانوية العجايب وش بقى ما ظهر منك .. كل ما نقول خلاص تزيدين بالغرايب

** الثانوية الاولى ... ثانوية المفاتيح والاقفال ..
لا اعتقد ان الوزارة حولت مدارسنا من صروح تعليمية الى سجون بس اظن الثانوية الاولى غير لها تعاميمها الخاصة بها ابمعنى نشراتها اللي تصدرها فجأة دون سابق انذار اقصد دون تعميم رسمي لانهم يقولون قفل الابواب بناءاً على تعاميم من الوزارة سبحان الله ما تجي هالتعاميم الا للثانوية الاولى ... ليش ؟ .. أنا اقول لكم ليش .. لانها الاولى .. علما بان القفل بالاساس على المعلمات وليس الطالبات

** الثانوية الاولى ... ثانوية المصالح ..
اذا تبين تاخذين اللي تبين لازم تكونين قريبة من الادارة هذا مبدأ الطالبات يقولون لازم تضبطين احد من الادارة علشان تمشين بالمخالفات دون اي مسألة .. مو بس الطالبات حتى المعلمات صيري محبوبة من الادارة واخدميهم على طول وناصريهم على طول بالحق والباطل وشوفي كيف تكونين ؟..

** الثانوية الاولى ... ثانوية الادرارة المعقدة نفسيا ..


** الثانوية الاولى ... ثانوية الطابور ..
ما ادري وش الحكمة من تكرار السلام الملكي الصبح .. ما ادري لازم نسمعه بكل النغمات .. وتضيع عشر دقائق من الحصة الاولى .. الطالبة أولى فيهن من تكرار السلام ثلاث أو اربع مرات يوميا .. علما بان التعميم واضح الصادر من الوزارة بشأن السلام الملكي قالوا مرة واحدة تكفي .. بس الادارة عاجبهم الاعاااااااااااااااادة

** الثانوية الاولى ... ثانوية التجسس ..
أول مره أدري ان الطالبة لها فائدة بالمدرسة غير انها تدرس .. تدرون ايش هي فايدتها أنها تتجسس على المعلمات وتبلغ الادارة بكل شاردة وواردة بالفصل .. لان الادارة فاضية ما عندهم شغل شغلهم الشاغل هو رصد تحركات المعلمات أولا بأول .. الله يعينهم يتعبون هالادارة