من وين جيت ووين صرت وكيف قلبي فيك ذاب
فجأة لقيتك داخلي بالله قلّي من وين جيت ??
معروف قلبي عادته يلعب ولكن معك تاب
ما في داعي للـ لعب ما دام للقمة رقيت
ياللي مرشح بالغلا في خاطري دون إنتخاب
الصيت صيتك ياغلاي وما بعد هالصيت صيت
الظاهر إنك لو طرحت أسهم لحبك بإكتتاب
تداولوا بالناس عشقك ثم بنوا في البنك بيت
وأنتظروا الفايض يجيهم لا أكتمل حد النصاب
تقول كأن بيتكم صاير على wall street
تذكر سعد علوش يوم أنه قصد بـ [الإنسكاب]
كل ما ذكرتك قمت أردد ذا القصيدة بيت بيت
مقارنة غيرك معك تعريف للظلم المهاب
الظلم إني ألتفت للغير ما دامك لفيت
تتوقع إن المرسيدس ممكن نقارنها بساب
يعني على ذا الحال ممكن نقلب الليكسز ونيت
أدوخ لشفتك وكأني في المشي لاعب مصاب
تتلخبط الخطوة معاي أحس كأني ما مشيت
وإن شفت زولك فرحتي توصل إلى حد السحاب
كأنك هدف من راس ماجد داخل بمرمى الكويت
ما عرف أنا تموز أو تشرين وما أدري ويش آب
أعرف بإني سادس العيد التقيتك ثم بديت
بديت مشوار المحبة والسعادة والعذاب
تخالطت عندي المشاعر في غرامك وأهتنيت
حسستني طعم إنتصاري بالذهاب و بالإياب
علمتني أجمع نقاط الفوز و أوصل street
يا top10 بكل محطة من محطات الشباب
يا ذوق يا رقة يا راقي يا معاني الإتكيت
أصيل والجسمي ورابح دندنوا شعري وجاب
أحلى أغاني غنيت لأجلك وأنا لأجلك هويت
أسست في بالي دفاتر شعر وبقلبي كتاب
لولاك بعد الله نساني الشعر وإلا أنا نسيت
للشاعر .. فيصل اليامي