طلبتك بالذي خلى عيونك لي مسار ودار
أمانه لو خذاك الدرب يوم فسكـة أحبابـك
توقف وأشر بيدك يجوز تسولـف الأمطـار
عن حظورك وتتجمع غيوم الشوق بأسبابك
هنا نامت حكايا حب ونامت زهرة النـوار
على كف اللقا ياللي عجزت أطرق بها بابك
وش تظن الليالي اللي مضت غير تعب وأسفار
مادام إن الطريق اللي خذاك فيوم ما جابـك
تعال إنفض عن أيامي تعب مدري بقايا غبـار
تعال وكحّل عيون السنين بلفتـه أهدابـك
تعال أتهجّى فحظورك كلام ما إنكتب فأشعار
تعال امحيني واكتبني قصايد حب في كتابـك
تعال مسامح طعون الغياب وما أريد أعـذار
تخيّل كل مافيني سكنته وصـار يحيـى بـك
سلطان العميمي