[نجم]

لا عاش لي حب إن انحنى رأسي


--------------------------------------------------------------------------------

بسم الله الرحمن الرحيم

يا بنت من قال المحبة مذله *** راعيه يصبر (ع) المهانه والاذلال

في الحب راح الناس ستين مله *** من عهد ابونا آدم الى اليوم... لازال

لا زال لغز وما لقى من يحله *** يا ما سمعنا فيه من حكي واقوال

احدن يشوف الحب (ع) القلب عله *** نهاية الي جاه وسواس وهبال

واحدن يقول انصحك لله خله *** ابعد عنه كانك تبي راحة البال

ومنهم يشوف الحب من جد فله *** الحب عنده ليل دانه ويا لال

حتى النذل ما وفره واستغله *** ينصب على البنت السخيفه ويحتال

يا بنت باسم الحب كم جات زله *** باسم المحبه يرتكب شر الاعمال

لو كان له قاضي نصينا محله *** ونحط بيده كل معدال وعقال

يا بنت انا عارف طريقي وادله *** راسي ولو مالت رويسات ما مال

الحب عز ومثل سيف(ن) اسله *** يزيد عزمي قوة ابكل الاحوال

ما عابني دمع(ن)عيوني تهله *** من شوق ماهي عن رخامه ولا ذال

لعيون من هي بالحلا مستقله *** اللي حلاها جال والبيض في جال

لعيون طله دونها كل طله *** ترقي على كل الجميلات تختال

المستحيل اللي يقولون اصل له *** وادك باقدامي على شانها جبال

كل المصاعب لاجلها كيف دله *** ولعيونها الموت الحمر شرب فنجال

لعيونها لو يثقل الحمل اشله ... ولعيونها باصبر على نطح الابطال

واقدام رجلي كل وادي تحله ... ومن اجل عينه ما تهيبت الاهوال

وادخل لها بيت الاسد واستحله ... والليث واللبوه لها غير الاشبال

لعيونها اسخى واتلف المال كله .... لعيونها ما اهتم لو ما بقي مال

ابيه يسمع بي وهوفي محله .... والقصد يبلغ سمعها طيب الاسبال

ولعيونها الاشعار والقاف اهله *** شعر(ن) غزير وكنه الغيث همال

وعني اذا جاها خبر ما تمله *** وتشوفني في عينها اعز رجال


وسلاااااااااااااااااامتكم
وارجو ان تنال على أعجابك أخوي مشاكس وعلى اعجاب الجميع