- عرفينا عن نفسكـ وخاصه في الطبخ وعلاقتك بالمطبخ ؟؟ بالطبخ زينه اما بالمطبخ ابعديني عن غسيل الموعين يعني مستعده اسوي اي شي لكن ما اقرب من ناحيه الغسيل واشكاله - تحبين الطبخ او لا؟ احبه بس احيانا ما يصير لي نفس حتى على تصليح الشاهي - من هو الشيف اللي تحبين تتابعين وصفاته بشكل دائم ؟! منال العالم ـ حوريه المطبخ ـ ادورد ـ نايجيلا ـ جيادا ( فناة فتافيت بشكل عام ) - وجبتكـ المفضله وهنا أقصد ( الفطور _ الغداء _ العشاء ) وأيضاً نوع الوجبه .؟ العشاء - طبق تحبين تسوينه كثير ..؟ بيتزاء بالنقانق - الطبخات اللي تسوينها معدودة ولا كثير وماتنعد ..؟ كثيره والطبخ على حسب المناسبه .. - اول مرة دخلت المطبخ كم كان عمرك لو تذكرين..؟ ما اذكر لكن بديت بالطبخ لما دخلت الكليه على خفيف - اول طبخه طبختيها وش كانت ..؟ ما اذكر - طبخه طبختيها وفشلتي فيها وش كان شعوركـ وقتها والكل منتظر تخلصين ..؟ ما اذكر اني طبخت شي غير مضمون النتيجه - طبخه طبختيها والكل مدحكـ !؟ اللازانيا لانها كانت اول تجربه لي بطبخها وضبطت والكل اعجبته - موقف طريف صار معاكـ في المطبخ ..!؟ كنا نبي نجتمع على فطور مع البنات وقلت ابي اسلق بيض وسلقته لاول مره اسلقه ونسيته على الفرن ماذكرته الا بعد كم ساعه جيت لقيت لون البيض اسود عاد ما فشلت نفسي وديته معي قلت احنا الدجاج اسود علشان كذا صار بيضها اسود ههههههههه - يعتمد عليكـ في الطبخ او لا ..! ان شاء الله انه يعتمد علي بس اذا كان عزيمه او شي ما اتجرأ اسوي شي الا اذا كان سلطات ومحاشي وحلى بس ما اطبخ العشاء اذا كان رز اما صياني وحركات عادي اسوي - أكثر شي يعجبك في الطبخ وأكثر شي تكرهينه في المطبخ؟؟ اكثر شي يعجبني بالطبخ اكله بعد ما يستوي خخخخخ واكره شي بالمطبخ حووسه الطبخ - هل انتِ ممن يتبع مقوله ( العين تأكل قبل الفم ) وماهو أدني حد لتنفيذك لها ؟! وبقووووووووة بعد انفذها بالشكل المعقوول مو شرط انتيكه اهم شي يكون المكان مرتب - أكلة من وجهة نظرك ما تضبط ألا بشغل البيت (( يعني مو من مطعم )) اغلب الاكلات احسن شي من شغل البيت وبحوف البيت احسن وبالاخص الاكلات الشعبيه - أكلة ما تضبط في البيت (( يعني ما تصير حلووة إلا من المطعم )). يمكن ( الكبه ) - قوليلنا وصفه لطبخه حلوه كثير تسوينها عشان نجربها ..!؟ كفتة الدجاج يسلق صدور دجاج ويملح وينتف يصلح باشاميل ثقيل شوي ( كاس وربع دقيق ـ كاسين ماء ـ ربع كاس زيت ـ ماجي ابيض ـ فلفل اسود ـ ملعقه ملح ) على النار الين يصير ثقييييييل يبشر علبه جبن كرافت الكبيره ويقطع شبت تخلط كل المقادير اللي فووق مع بعض ( البشاميل ، الجبن ، الدجاج ، الشبت ) وتكور ثم تدحرج في دقيق ثم بيض ثم بقسماط وتقلي - سوي طبخه وصوريها لنا اذا تقدري ..!؟ هذا حلى سويته امس سويته بالطريقه المعتاده بالحلى يعني مافيه شي غريب - نصحيه توجهينها لطباخات الرائدية.! الله يوفق جميع بنات المنتدى وسلامتكمـ ..!! الله يسلمك