~
أحبتي الكرآم
تحية طيبة .. أضع بين أيدكم هذه المتواضعه بأمل أن ترقى لذائقتكم
( الكذب )
قرّب ابفتح هالصدر علّك اتشـوف ....
.... قلب ٍ تمنى فـي حياتـه ايشوفـك
قلب ٍ سكنه الحب ماخالطه خـوف ....
.... قلب ٍ تولع فيـك وانسـاك خوفـك
قلب يحبك حب وآضـح ومعـروف ....
.... قلب ٍ عشق دنياك واغلى حروفـك
قلب ٍ رسمك بلوحته أجمل طيـوف ....
.... واصبح يباهي في محاسن طيوفـك
يا صاحبي قـرب واذا ودك تـروف ....
.... هاك الجروح اللي سببهـا كفوفـك
ثم صفها ترتيب .. ترتيب وصفوف ....
.... واحفظ عددهـا لاتضيّـع صفوفـك
بيجيك يوم فيه تلقى بـه صـدوف ....
.... وتذكر جـروح جددتهـا صدوفـك
وذكرآك في ( شط المحبين ) يانوف ....
.... مسحتها من فـوق قمـة رفوفـك
مادام شمس الصدق اقفابها كسوف ....
.... صعبة اعيش اللي بقى في كسوفـك
صعبه اكون بعآلم الكـذب مكتـوف ....
.... صعبه مدام الكذب غطـى كتوفـك
خلاص ابرحل والوصل فيك معيوف ....
.... تعبت من كذبـك وطعنـة سيوفـك
واذا اسألتي فيك ميزآت و وصوف ! ....
.... بقول ان ( الكذب ) سيّـد وصوفـك
يا بنت خوذي الرد وآضح ومكشوف ....
.... ( قلبي تراه اليوم يكـره يشوفـك )
شعر :
فآيز بن رجاء البجيدي
الرآحل الغريب