أهداء للأخ ( أبو فهد) نــاهـي عايض الـخـليل
من الشـاعـر /فيصل اللويش.
( راعـي هلا )
سيرت يمـك يابن عايـض ومـديت *** كـفــك بطيــ ـبٍ للنـــشاما تمــــده
أنا أشهــد أنك يابن عايــض تعديت *** هــدات حــرٍ نومــس اللـي يهـــده
يابن الرجـال اللي لهـم علمٍ وصيت *** وأفــعالهم في كــل مـوقــف وشده
يوم ان شفت الـــذود شدن وسجيت *** ولاهو غـريب الذود من دور جده
شفت البكــار اللي لشـــوفه تمنيت *** وضـــحٍ مدالـــيهٍ ولاهـي مـصـده
بكار ٍذكــــــرت الله عليها وسميت *** من طيب راعـــيها ولاشفـت نـده
راعي هلا ولا ينشـــــدك ليه جيت *** والعين تبــــديلك غــــلاة ومــوده
يامرحــــــــبا بك دام يمـــه تعنيت *** والرجل لامن شـــــاف طيبٍ يعده
حـــلو النبا لاشــــفت طيبه تغنيت *** مثل الشعـــــر ينبيك عـــــنه مشده
أنا اشــهد انه باني من الحــيا بيت *** رجــلٍ كــريم وغــفلة النــاس سـده
يا بو فــهد يفـــداك من طيبهم ميت *** والطيــب لامن مــات صعبٍ مرده
للطيب حــد وانت جيت وتخطيت *** حــده وبعض الناس ما شــاف حده
الشاعر/ فيصل اللويش
منقول