[مشبب البشري]

[poem=font=",6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ألا يا هاجسي فكره طرت لي وانت كلـك ذوق=أبعرضهـا عليـك ولا تغيـر فـي ملامحهـا
أبي منّك قبل نبدأ تلحّـن مبتـدا الطـاروق=على شان القصيده ترضي النفس ومطامحهـا
أبي منّك تحمس البن لا باقـي ولا محـروق=وتوزن دلة (ن) سويتها لـي العـام لامحهـا
بعد فنجالها الأول يجي للبـدع علـم وشـوق=وبعد فنجالها الثاني تجي الفكـره واطارحهـا
وبعد فنجالها الثالث بنات الفكر كفـن العـوق=لفا صف (ن) بدرهامه ولفا صف (ن) بجامحهـا
تشاورنا على الفكره وكيف بننقـذ المخنـوق=وقررنـا نبيّنهـا علـى العالـم ونوضحهـا
تبون العلم والفكره تراهـا جاهـزه للسـوق=يقدّرها ويشريهـا وسيـع العـرف رابحهـا
سمعتوا في مهر عذراء على الميتين كله سوق=درستوا حالة المعرس ونفسه ويـش كابحهـا
عرفتوا بالذهب غالي وسعره طائر(ن) لافـوق=وعرفتوا لازم الحفله اذا مـا كنـت شارحهـا
قبل شهرين تحجزها تفـادا كلمة(ن)مسبـوق=ومختصه تلبّس كـل حاجـه فـي مطارحهـا
وعلى ما كشكشو كوشه كشفها معتلاها فـوق=عليها من زهزور وورد ما يرضـي لمادحهـا
وطقاقة تطقطق في الحفل لجل العقول تـروق=وليزر فيه عشر الـوان والفـواح سابحهـا
تعال نشوف نبذه طاولة فيها الحلى مشـروق=وعصيـر مشكـّل ٍ مابيـن حاليهـا ومالحهـا
بعد هذا نسولف بالعشاء واصل العشاء منطوق=سمعت ان العشاء بوفيه والمسكيـن قادحهـا
يريدون العشاء غايه ولابه من عيـال النـوق=يخافون الكـلام بحفلـة آل فـلان يجرحهـا
نسج الرجل للمعرس نبارك له على المعلـوق=عسى ما حن بشماته ونور الشمس كا شحهـا
توسطنا بشخص أقريب منـّه وهـو موثـوق=وجاب العلم لي كامل وقـال البيـر نازحهـا
وقال انه خذاله قرض غير الجمس من فاروق=وباع الجمس بالساحه حراج(ن) تحت صايحها
خذاله شقه بعشرين وأثثهـا وهـو محـروق=وعشاه من الغنم عشريـن للحضّـار ذابحهـا
بعد ما زل نص الليل زفوا له عروسه شـوق=تظاهر قدمها شبعـان ولا يقـدر يصارحهـا
بعد ما طاف له شهرين ميّز واعترف مشنوق=عليه اقصود بنك وجمس والشقـه ونايحهـا
الا يا هاجسي كيف الطريقه ننقـذ المخلـوق=بعد ما صار دينه ربع مليـون (ن) يصافحهـا
الا يالله ببارق خير يلفي مـن بعـده ابـروق=ونلقى حـل والعالـم يبيـن لـي تسامحهـا[/poem]