[لذة ح ـــــــب]

* *
على طاريك ياعمري على طاريـك مابنسـاك
وكيف انسـاك دام زرعتـك داخـل اعماقـي
أنا من ويـن ماأصـد بعيونـي يالغـلا القـاك
ولواهرب من عيونـك عيونـك كـل عشاقـي
أسافر في عيون الليل وجفنـي بالدفـا غطـاك
وتذبل عين من حبـك ونـار الوجـد حراقـي
تلعثمني متاهاتي في حـزة الشوفـك ورؤيـاك
واحس بلهفتي تجتاح من راسـي إلـى ساقـي
إلى اخر مدى شوقي وصلت وقلـت باترجـاك
وخاويت الصبر حتى شربتـه شـرب ترياقـي
تلحفت السهر لاجلك تبعت رضاك لين رضـاك
يهون الجـرح دام انـه يخلـد حبـي الراقـي
أنا من روعتك شفـت القصايـد كلهـا معنـاك
قصايد ملحها شوفـك وطنهـا داخـل أحداقـي
بساتين الغلا بيتك وفـي صـدري أنـا ملفـاك
ظماي أنته وفي قربك رويت بشوفـك أرياقـي
يسيرني الحزن صوبك هنا بعضي وبعضي هناك
وأدفن دمعتي بخـذي واشقـق باقـي أوراقـي
على طاريك راح أبقى على طاريك مابانسـاك
ولو دار الزمن فينـي غـلاك بداخلـي باقـي