واثق خطى لكن عجزت امشي ملك...
لاضاعت الخطوه معي..
ولازاد جرحي ومدمعي...
وشلون انا امشي ملك
لامن زرعت الطيب في غير المحل..
ولازاد احساس الفشل..
ولاصار فالخطوه ثقل
وشلون انا امشي ملك
لاصار جرحي من صديق..
حسيته لعمري رفيق..
وضيعني بوسط الطريق
وشلون انا امشي ملك
لاضاعت الرجوى بقريب..
واصبح يداويني الغريب..
والجرح في نفسي عطيب
وشلون انا امشي ملك؟؟
لاصارت الرمضى أقدمي..
وصارت طعوني محزمي..
وافراحي حولي ترتمي..
ولاقدرت المها..
بالله كيف امشي ملك؟
من بعد جربت المطيح..
خلوني اجل اوقف صحيح..
ومن هم قلبي استريح..
ومن بعدها امشي ملك
لاشفتهم حولي ورق..
ولفحة هوى به نفترق..
والعمر من عمري انسرق..
وشلون انا امشي ملك؟؟
واثق خطى.... والله انا واثق خطى..
لكن
لكن عجزت امشي ملك