طبيبة الجرح قلبي ذاب من طبك
بعض الدوا ياطبيبه منك يتعبني
اصبر وجامل وعذرك لو قسى قلبك
مهما هدمتي الأماني بالأمل ابني
ومهما قسيتي احبك وافخر بحبك
حبيبتي كل شي فيك يعجبني
تدرين قلبي شيقول لاجيت بسبك
حبيبتي كيفها تبغى تعذبني
تصغر خطاياك بعيني وينمحي ذنبك
حتى ولو بعضها يجرح ويغضبني
افرش جروحي ورود يمرها دربك
وكل المشاعر تصفق لك وتطربني
تغار منك الورود وهي تعجبك
تقول محد بعيد الحب يطلبني
انتي الجميله بحسنك صورك ربك
ولاظن غيرك بحسن الوجه تجذبني