تعجبني كثرة الشكاوي على كلية الخفجي ... ويعجبني أكثر استنفار الأهالي في رفع الشكاوى تدرون ليش؟؟؟؟ لأن المشاكل المعروضه توضح استهبال طالبات الكلية وجهل أولياء أمور الطالبات بالنظام....
احب ارد على اللأخت سد الغلا نقطه نقطه لذلك أتمنى انها ترجع تقرأ موضوعها:
1_فالطالبة عندما تذهب إلي الكلية تواجهه الكثير من الضغوط فعند وصولها إلي الكلية ترى الزحام يصل إلي باب الكلية الخارجي فالمرور من الباب يجب أن يتم بعد أن تخضع للتفتيش في الإغراض والشنط بل حتى ملابس الطالبة احياناً .. !
بحيث يصبح الوصول إلي المحاضرة في الوقت المناسب ( حظ ونصيب ).
اولا طبيعي انو يكون في زحمه عند البوابه لان الكليه فيها مايزيد على 2000 طالبة انتظام غير الانتساب والزائرات وامهات الطالبات اللي يجون يراجعون لبناتهم وكأن اذا حضرت الأم راح يتغير النظام مما يربك عملية دخول الطالبات للكلية..لذلك قامت الأدارة بتخصيص يوم واحد في الأسبوع للمراجعات وأمهات الطالبات.. وتخصيص يوم ثاني لطالبات الانتساب..كل هذا لتنظيم عملية الدخول والخروج...
ولذلك كل طالبة لازم تجي قبل محاضرتها بوقت كافي.. اما حكاية التفتيش فهذا نظام في كل الكليات .. والتفتيش يقتصر على ثلاثة اشياء رئيسية وهي:
- الزي الموحد للكلية.( وهذا نظام عام في جميع الكليات ).
-جوالات الكاميرا.
- ان الطالبة تكون من طالبات الكلية.. وهذي النقطة راح يبدأ تطبيقها من بعد العيد .. فتكتفي الطالبة بإبراز بطاقتها عند الدخول والخروج وهذي البطاقة مغلفة ومختومه بختم الكلية وبها مشبك للتعليق .. وتحصل عليها الطالبة من الكلية مقابل مبلغ رمزي قيمته 5 ريال ..ولن يسمح لأي طالبة لا تحمل البطاقة الجامعية بالدخول.
2- واخذ الرسوم للمخالفات (50 ريال ) راتباً للعاملات علي التفتيش .
هذا الكلام مردود .. لأن جميع موظفات الكلية يتبعون وكالة الكليات بما فيهم موظفات الأمن.. فمو الغرامات اللي تخليهم ياخذون رواتبهم... طيب لو كل البنات التزموا بالنظام الموظفات ما ياخذون رواتب؟؟؟؟ كلام ما يخضع لا للعقل ولا للمنطق....
بعدين كل غرامه تدفع معاها تعهد يكتب... والبنات المخالفات معروفات... لأنهم يخالفون يوميا وتقول في سبيل اني اكشخ بدفع مو هاممني... ولذلك اذا عرف السبب بطل العجب الآن عرفت الطريقه اللي تسحب فيها البنت كل يوم من اهلها فلوس... وعموما الكليه اصبحت عقوباتها رادعة ..لأن من امن العقوبة أساء الأدب.. فكثرة الشكاوى على مخالفات الزي هو شي غريب .. بنات الخفجي مدلعين بزيادة عن اللزوم كل الكليات تحدد لون واحد والكلية هنا حاطة 4 الوان للزي..والألوان معروفه..فياليت الأهالي يشوفون بناتهم الصبح كيف طالعين واش لابسين بعدين يشتكون...هذا غير البنات اللي يجون لابسين لبس نظامي ويبدلون داخل الكليه... يعني جايبه ملابس من البيت في كيس ليش؟ لأنها عارفه انها راح تخالف...مافيها كلام..ويقولون نجهل الأنظمه؟؟؟؟؟؟ مين بيصدقها هذي؟؟
3- فاغلب الطالبات ليس لديهن أي معرفه بقوانين الكلية من ناحية المحاضرات وامتحانات المحمول والتكميلي فلا تعرف حتى تفاجأ بطلب الإدارة لها ومعاقبتها علي شي لم تعرفه أصلاً ويصل عقابها إلي الطرد من الكلية وعندما تصرخ الطالبة وتطالب بحقها وتواجه الإدارة بعدم معرفتها يكون الرد (( الحين عرفتي )) ...؟!
الشيء الغريب ان كلية الخفجي لها 3 سنوات مفتوحة بمعنى انو لسى مافي ولا دفعه تخرجت منها... وهذا يقودنا الى ان بنات الخفجي كلهم درسوا بخارج هذي المنطقه ...اللي ابغى اقوله انو نظام الكليات مو غريب على اهالي الخفجي كلهم درسوا بناتهم برى ونظام الكليات العام واااحد مايتغير بالنسبة للمحمول والتكميلي والانظمه العامة... والنظام معروف اللي ترسب في 3 مواد تدخل دور ثاني ... واللي ترسب في اكثر من كذا تعيد سنه وهذا النظام في جميع كليات المملكة.. اذاكانت الطالبة راسبة في اكثر من 3 مواد ودخلت امتحان الدور الثاني فالادارة ماتلعب طبيعي تقول لها مع اللأسف انتي عايده السنه... يعني البنات يتوقعون انو الإدارة نايمة على اذنها ؟؟؟
ياليت مانجلس نردد كلام مانعرف أبعاده.... هاتي طالبه طردت من الكليه لأسباب من اختراع الكلية أو ظلم... مستحيل......
4- فقد وصلت الحالي إلي قفل قسم رابع انجليزي وثالث في الطريق إلي ذلك والسبب انه لايوجد مدرسات لهذا القسم الرجاء عدم السكوت علي هذا الحال ...
الحين انا ماني فاهمه بالضبط وشي المشكله بالضبط؟؟ قسم اللغة الإنجليزية مسؤولية وكالة الكليات بالرياض... لاهوا من اختصاص الإدارة ولا المندوبية..ولا الطالبات.. فياليت نخلي كل واحد في اختصاصه الطالبة تقوم بدورها وبس..
واحقاقا للحق .. فعميدة الكلية لمن قالولها بالرياض جمدوا قسم اللغة الانجليزية الى ان نلقى حل ... قامت مشكورة بجعل البنات ياخذون تدريب متصل عشان الوقت... وكان بإمكانها تجمد القسم وخلاص...
الغريب في الموضوع انو اهالي الخفجي ماصدقوا بهالسالفه عشان يتسلون... يعني ترى الادارة قراراتها مو عشوائية ... لها مرجع أعلى...
يعني قلنا نبغى الأهالي يتعاونون معنا كإدارة بمتابعة سلوك الطالبات ومستوى دراستهم .. مو يتدخلون في شغل الإدارة؟؟؟
وللمعلومية في موظفات السنة هذي حريصين كل الحرص عالنظام...ولا عندهم استعداد للتهاون... والطالبات يعرفونهم زين... فيعطيهم العافية..
5- آخر قرارات إدارة الكليـة :-
يجب على كل طالبـة دفع مبلغ ( 100 ) ريال للإعلان في أحد الصحف السعودية و البحث عن معلملة أنجليزي !!!!!!!!!!!!!!!!!
يعني شر البلية ما يضحك.... توفير الموظفات من اختصاص وكالة الكليات ... وإن حصل انو وحده قدمت أوراقها للكلية فبعد كذا تروووح الاوراق هذي للوكالة وهي اللي تحدد توظف هذي الانسانه أو لا....
وهذا الكلام مو صحيح.... مليون بالمية....
الغريب في الأمر انو البنات المتفوقات دراسيا هم الطالبات اللي يمشون عالنظام ...
6-هنا نضع علامات التعجــب !!!!!!!!!!!!!!!!!!!!!!!!!!!!!!!!!!!!!!!!!!!
الظاهر لو نقول لهم الكلية للبيع باعوها لنا !!!!!!!!!!!؟
انا هنا اللي احط مليون علامة تعجب أمام أي شخص يصدق شيء بعيد عن حدود العقل.. هذي نقطة ..والنقطة الثانية مين هم اللي لو تقول لهم بيعوا الكلية يبيعونها لك يا اخ سامي؟؟؟
7-تقابلت مع احد دكاترت الكليه وسألته عنها وعن اوضاعها وقالي هذه مدرسه بأسم كليه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!
يا أخ عربيد اولا دكاترة الكلية الرجال قصدك؟؟ وهم وش عرفهم بالكلية هذا اولا..
ثانيا: مدرسة باسم كلية... ما فهت وش مغزى كلامك ؟؟ وعموما لي وقفة في وقت ثاني على هالنقطة..
أخيرا.. أحب أوضح نقطه مع اني أعرف إني كثرت في التعليق ولكن كله للتوضيح ..
مشكلة البنات في الكلية انهم حسوا انهم كبار.. فلازم مايخضعون لأي نظام.
بالإظافة لأن الكلية أصبحت شماعة يعلقون عليها اخطاءهم...
جهل البنات بالأنظمة يحتسب ضدهم مو لهم لأن الإدارة لمن تحط قرار تنزل هذا في 30 إعلان موزعة على جميع مرافق الكلية بشكل واضح وصريح.. وتعطي مهلة اسبوع للتطبيق.. عمرها ما نزلت إعلان وقالت التطبيق فوري..
الكلية كانت تعيش في فوضى عارمة وكانو البنات مبسوطين... والنقلة المفاجئة من الفوضى للنظام سبب للبنات صدمة لأنهم توقعوا انهاكالعادة فترة وتعدي لكن تكاتف الجهود الملحوظة السنه هذي والتعاون الواضح بين وكالة الكليات والمندوبية وإدارة الكلية جعلت النظام بعد ن كان أسطورة نسمع عنها في هذي الكلية واقع ملموس.. صحيح انو لا زالو الناس يحتاجون وقت للتقبل لكن هذا هو الواقع .. والنظام مافي احسن منه..
طبعا انا سجلت مخصوص في المنتدى هذا بس عشان أرد ... طبعا انا عجبني تعليق أبو رائد كله لأنو الكلام الوحيد اللي لقيته منطقي جدا من أوله إلى آخره..فيعطيه العافيه..