اقتباس المشاركة الأصلية كتبت بواسطة KFJ3000 لاتشيلين هم يا اختي .. الاجانب بعقلهم الواعي راح يفهمون لحالهم انو هالتصرفات لاتمت للاسلام ولا للاخلاق بصله وانما هي تعبير عن شخصيات هالاشخاص لا اقل ولا اكثر .. وارجو انو احنا مانربط بين كل تصرف نشوفه بالاسلام لانو هالشي يؤثر بطاقتنا كمسلمين وبتأثيرنا على الغير كل انسان يعبر عن نفسه ومثل مافيه مسلم جيد فيه مسلم سيء بالضبط مثل مافيه مسيحي جيد ومسيحي سيء ويهودي جيد ويهودي سيء وهالانسان وان كان طلع عن طوره وخانته اعصابه بهذيك اللحظه مش المفروض نطلق عليه هالحكم ونقول انه صوره سيئه عن الاسلام لانو الدين ماله دخل لا من قريب ولا من بعيد الا اذا احنا خلينا له دخل وكل انسان منا عنده عيوب بشخصيته واكبر دليل لما قلتي ببداية موضوعك انك انت شخصيا تحاولين تبينين الاجزاء الكويسه من شخصيتك قدام استاذاتك الغير مسلمات عشان تحببينهم بالدين معناته انو انت شخصيا عندك عيوب بشخصيتك بس هذا مايخليك صوره سيئه كفتاة مسلمه بالعكس !! صحيح انو المسلم المفروض يكون مثالي مثل ماعلمنا ديننا لكن احنا بشر ونغلط ولا كان ربي خلقنا ملائكه وماخلى احد منا يرتكب اي خطأ .. يا عزيزتي استاذاتك مش اطفال ولكنهم وصلوا الى درجات عاليه بالعلم ويعرفون انو كل انسان فيه الخير وفيه الشر والدين ماله علاقه بهالموضوع ومش مجرد منظر اثنين مسلمين يتذابحون قدام الكليه بيخلونهم يغيرون نظرتهم عن الاسلام او ينسون حسن اخلاقكم كطالبات او حتى زميلات ومعارف من المسلمين وبعدين هم لو يبون يبنون فكره سلبيه عن الاسلام فيكفيهم انهم يتفرجون على اخبار الجزيره ويشوفون المسلمين ايش يعملون ببعض !! المفروض بمثل هالمواقف انتم تبينون لهم انو احنا المسلمين بشر وطبيعيين وفينا اللي يخطئ ويذنب ولكن ربنا كريم وخير الخطائين التوابين وتورونهم انو احنا نسامح بعض ونغفر وانو ربي كريم وبيسامح هالاثنين مجرد انهم يعتذرون من بعض ويتسامحون من بعض وتقولون لاستاذاتكم انو ديننا الحنيف يدعونا الى المسامحه والعفو عند المقدره !! يعني مش اللي يغلط خلاص بيروح النار !! لا يا قلبي فيه مجال للتوبه وفيه مجال للمسامحه وربي كريم ويغفر .. شفتي كيف كان ممكن توظفين مثل هالموقف لدعم موقفك كمسلمه قدامهم !! انا ما اقول غير ربي يهدي الجميع وان شالله مايكون اصاب اي واحد من هالرجالين مكروه وكل انسان بس يغضب يتصرف تصرفات غالبا مايندم عليها (( ومن كان منكم بلا خطيئه فليرميها بحجر !! )) وكلنا بس نفقد اعصابنا نقدم على افعال احنا نفسنا مانتوقعها حتى مع قوة ايماننا .. الهدف من كلامي هذا كله انو احنا نحاول قدر الامكان نبين انو الاسلام دين كل زمان وكل مكان وكل موقف ونبين انو ربنا علمنا من خلال تعاليم ديننا كيف نتصرف باي موقف يحصل معانا مو نتفشل ونصير نتصدد ونقول هذول مو مسلمين ولا صوره سيئه عن الاسلام !! ليش يعني المسلمين ماهم ناس وبشر ويغضبون ويجرمون ويغلطون؟ احنا لازم ندعو الى الاخاء ولازم نحب بعض ونتعايش مع بعض ونتحمل بعض وندور العذر لبعض ماندور لبعض الزلات !! لاننا بشر ولاننا اخوان مش بس عشان نعطي صوره حلوه عننا قدام الاجانب والغير مسلمين او حتى الفضائيين !! حبيبتي وغاليتي مادام الدين معامله فيجب ان نحاسب جوارحنا في كل تعامل\ ومادام رسولنا صلى الله عليه وسلم اخبرنا ان المسلم هو من سلم المسلمون من لسانه ويدة فهذا معناه ان الله يحاسب العبد ماذا فعل عند غضبه هل صبر واحتسب الأجر ام تشابه مع من لا دين له وكأنه لا يوجد منهج ديني واضح يسير عليه هذه الفئه من المسلمين يجب ان تحذر على نفسها لأنه ورد في السنه النبويه قال رسول الله صلى الله عليه وسلم: أتدرون من المفلس ؟ قالوا:المفلس فينا من لا درهم له ولا متاع , قال صلى الله عليه وسلم : إن المفلس من أمتي من يأتي يوم القيامة بصلاة وصيام وزكاة , ويأتي وقد شتم هذا ,وقذف هذا , وأكل مال هذا , وسفك دم هذا , وضرب هذا , فيعطي هذا من حسناته وهذا من حسناته فإن فنيت حسناته من قبل أن يقضي ما عليه أخذ من خطاياهم فطرحت عليه ثم طرح في النار ) .. (رواه مسلم). فلا نستطيح ان نرمي الحق عنهم ونعلقه على شماعة الغضب جميع الناس يغضبون وفي الاصل في هذا الموقف بالإخص الذي ذكرته لا يوجد سبب مقنع للغضب مروورك رائع جدا" غاليتي استمتعت جدا في عرضك التلقائي لوجهة نظرك صافي الود لروحكـ الطيبه مع كل الحبــــ