مرحبا .. حاليا الكل صار يحتاج يشتغل والمتزوجه صارت تحتاج الوظيفه وراتبها اكثر من البنت اللي مو متزوجه !! بحكم المسؤوليات اللي راح تكون ملقاه على عاتقها كزوجه وام فلازم تساعد زوجها اذا كان مايقدر لحاله يوفي طلباتهم ..
يعني بهالظروف مين تقدر تعيش مرتاحه ماديا مع زوجها واطفالها بهالغلاء الا اللي متزوجه واحد مريش !!!!
ولا تظل عايشه بعوز وضيقه وعلى قد القد ويصير المثل القائل على قد لحافك مد رجليك هو المبدا الساري بحياتهم ! وبصراحه انا احس انو هالمثل هو احد اعداء المرأه بهالزمن لانو اللحاف لاعاد يغطي الرجلين ولا غيرها !!!
المرأه المحبه او المحتاجه للعمل تقدر توفق بين شغلها وعيالها مع مساعدة الخادمه للقيام بامور التنظيف بالمنزل فقط ومايكون لها شغل بالعيال ولا بتربيتهم او بمساعدة اهلها او اهل زوجها وفي كثير من الاحيان بدون مساعده من احد !! بس يمكن لانو احنا الرجال عندنا مش متعاونين مثل باقي رجال العالم ومايسكتون على التقصير مهما كان صغير نحتاج مساعده من الخادمات
انا مارح اضرب مثل بالنساء بالغرب لكن بالدول العربيه تلاقيها من الصبح وهي بالدوام وترجع تطبخ وتربي اولادها وقائمه بواجباتها على اكمل وجه وهي ماعندها شغاله بس زوجها طبعا يساعدها لانو بالنهايه هي ماهي مكينه !!!
الحريم انواع فيه منهم اللي ماتشتغل وقاعده بالبيت وبرضو الخدامه هي اللي قايمه بالبيت وتربي العيال
وفيه منهم اللي تشتغل وتهتم ببيتها واولادها بدون مساعده من احد
بس انا عن نفسي وبما اني لغاية الحين ماجربت هالوضع بس اعتقد اني لو تزوجت شخص مقتدر ماديا ويقدر يعيشني بنفس المستوا اللي انا عايشه فيه اواحسن منه مارح افكر اني اشتغل بوظيفه تاخذني من بيتي واولادي !! ممكن في حال شعرت بالملل او الفراغ اشتغل شغل خاص ماياخذني من بيتي وبنفس الوقت يحسسني بوجودي .. واعتقد انو هذا راي معظم البنات ..
والله يعين كل الموظفات بصراحه انهم يعانون ماشالله عليهم والله يآجرهم ويهونها عليهم ويساعدهم ياااااااااااااااارب