كثر الدلع مافادني منك يازين
بالعكس خلا قلبك اليوم قاسي
كنت اتوقع منكـ عشق المحبين
ياللأسف ماشفت غير المأسي
طبعي معكـ دايم على الطيب واللين
والمشكله طبعك معي حيل قاسي
ماخفت من ربكـ ولا شفت للحين
شيب تكدر ياحبيبي في راسي
ياللي تعاملني بنية شياطين
دائم تحسسني بضعفي ويأسي
قلب يحبك عاف كل المزايين
انا اشهد انك ثابت فيه راسي
اتعبتني يامنوة القلب والعين
فضحتني مابين اهلي وناسي
خلاص انا ماقدر على طبعك الشين
اما معزة نفس ولا انتكاسي