[دانة الكون]

السلام عليكم ورحمة الله وبركاته
اخوي نايف مافيه بيت يخلو من المشاكل ويستحيل تلاقي بيت خالي
اما المسبب بالمشاكل ما فيه طرف واحد تقدر تحط عليه اللوم وتقول انت السبب اليوم بدت الزوجه بالمشكله بعد ايام اختلق الزوج مشكله يعني تختلف على حسب النفسيات والظروف الي يمرون فيها ولا بسبب العيال
مثلا يجي زعلان من براء ويحط الحره فيها
او تكون هي زعلانه من احد وتحط الحره فيه
واحياناً احد الزوجين يفتعل المشكله بدون سبب بس لان الشخص الثاني مطنشه او مشغول عنه ويبي يلفت انتاهه،،، والغيره طبعاً حدث ولا حرج ياويلك لو تلتفت يمين ولا يسار حتى التلفزيون بعض الازواج الله يهديهم يتغزل بالمذيعه ولا الممثلة قدام زوجته ولا يراعي شعورها ممكن تسكت هذيك اللحظه بس تفتعل مشكله من لاشيء علشان تزعل عليك ولا تبي تقول الحقيقة لانها غارت عليك "لان كبريائها مايسمح لها تبين حبها وانت تتغزل بغيرها"،، بس خلي الزوجه تقول هذا الممثل ولا المذيع حلو اول رد للزوج انتي ما تستحين وقدامي بعد"طيب ما شفت نفسك" يمكن يكون دافعه الغيرة ويمكن كبرياءة كرجل ما يسمح لي ان اخليها تمدح غيري"عاد انتم ادرى بانفسكم من رده الفعل هذي".
وممكن ما يكون هم السبب ممكن يكون السبب هم الاهل او الاصدقاء وتدخلاتهم ونصائحهم بحكم اننا اهلك ونبي مصلحتك وحنا اصدقائك ندلك على الطريقة الي تمشيها عليه ولا تخالفك "على قولتهم اذبح بسك ليله عرسك"
اخوي نايف انعدم التفاهم بين الزوجين هو السبب و اصبح اي تعليق من احدهم او ابداء ملاحظة لايتقبله الاخر بحكم انه يفرض شخصيته ويتحكم فيني "ولا على قولتكم تركب على ظهري ولا تقودني كني خروف" وتكون رده الفعل عكسية وغير متوقعه.
الزوجين لو ما اهتموا بكلام الناس والي عند الناس وانتقادات الناس وخلوا حياتهم بعده عنهم خاصة فيهم ان شاء الله بيكونوا مرتاحين.
"والمشاكل ملح الحياه وتغيير روتين"
الكلام كثير بهذا الموضوع القيم لان كل من الطرفين يبي يبري نفسه وانه ما هو السبب
اعتذر عن الاطاله بس تحمست
شـكــ وبارك الله فيك ـــرا لك ... لك مني أجمل تحية .