الجوقه دانه اللي شفته منك ومن الاخ نايف هو ان كل واحد منكم ماسك على رايه مع العلم ان الرجال فيهم سلبيات والحريم فيهم سلالايبيات جمع سلبي يعني ولكن رايت منكم التكبر عن الحق احد الفلاسفه يقول لم اصادف شخصا مغرورا او متعاليا او متكبرا ولديه روح قابله وراغبه للتعلم قال الحكيم سليمان هل شاهدت انسانا يعتبر نفسه حكيما ... ان الامل في الاحمق لهو اكبر من الامل فيه .... فالقابليه للتعلم في صورتها الاساسيه ياشباب هي الاستعداد والرغبه في ان نفتح عقولنا للافكار الجديده والتكبر يمنع ذلك .... اسكتو يامتكبرينفيه مثل صيني يقول طوبى لمن يسخرون من انفسهم فتسليتهم لن تنقطع ابدا.... وسالفة الاسواق اللي جابتها الاخت وقالت لامايروحون كل يوم فعلا مو كل يوم يروحون بس حنا نشوف عبايات سود بالاسواق ونحس انهم هم الحريم نفسهم يعني مثل مانشوف اليابانيين متشابهين والا اللي اعرفه ان الحرمه تطلع للسوق يمكن كل ثلاث ايام ومن حقهن صراحه ياخي الواحد منا يتحجج انه يسعى بالحياة على شان يجيب الرزق للعايله وهو نصاب دوامه من الساعه 8الى2 وكلها تفريك طيب الوقت الباقي ليش ماتربض بالبيت (تربض)كلمه لوجستيه تستعمل للشخص الموذي اللي ينقز بكل وقت ويكون عداده صك المليون فالوقت هذا والله انا من المؤيدين صراحه ان الوحده تطلع يعني انا كل اسبوع مثلا نتعشى في هرفي في البحصلي في سوق صحارى في غرناطه مع تمشي بالسوق شوي ياخي عشان الروتين اليومي تكسره لكن المنغلق اللي مو متعلم يعيش على ديدن السنوات السابقه اللي كانو شيبانا الله يرحمهم ماشين عليها اول ماكانت فيه اسواق يعني اذكر في وقت سابق بالخفجي هيئة الامر بالمعروف والنهي عن المنكر الله يسددهم ويثبتهم ويعينهم ويخلف لهم خير كانو اول شيبان وكانو يتقهوون عندنا في البيت كانت سياراتهم سوابر قديمه وماكانو يعلنون بالصلاة الا بالغربيه وشارع البلديه طيب الشماليه مالهم رب كانت اوقات غريبه لكن وقتنا هذا تحسن كثير ماكان فيه مطاعم كلها بوفيات ومطعم اللؤلؤه والناس عايشه بالرياض وغيرها وحنا نايمين ومنغلقين اتمنى من الشباب والشابات انهم ياخذو الحاجه الزينه من وقتنا يعني صراحه مافيه شي اذا اخذت مرتك شوي معاك اخر الليل وتمشيت ياخي على الكورنيش بسيارتك طلعهم من الجو الكئيب اطلع على طريق الكويت رح للدمام رح ياخي وين ماتروح رح عمره غير شوي الحين لو تناظرون الردود بالموضوع تلقو كلها كلام عجايز قديم لا وكل واحد يبي يمشي رايه غلط فيه حريم مقصرات وفيه رجال مقصرين بس الواحد يسعى لتنظيم بيته ويترك الباقي...... اسمعوا وانصتوا..... دوما مايلقي الناس اللوم على ظروفهم لما وصلو اليه من حال . اني لااومن بالظروف ان الافراد الذين ينجحون في هذا العالم هم الافراد الذين ينهضون ويبحثون عن الظروف التي يريدونها .. فان لم يستطيعو ايجادها فانهم يخلقونها .... جورج برنارد شو ابووصال عموما الكلام كثير في المجال هذا والله ان الحريم فيهم تقصير وحريم فيه ملئ لحيات الرجل وفيه رجال فيهم تقصير كبير وفيهم اللي فيه خير اللي يبي يتعلم يتواصل معاي ...اخوكم ابووصال