[بــ الخفجي ـنت]

اقتباس المشاركة الأصلية كتبت بواسطة لهب شمر والله محنا راضين .. والمشكله شايفين المسؤولين سرقه عيني عينك واللي يقول الشعب هو السبب والشباب يكتبون ويخربون والله ما الومهم الشباب ..وين في اماكن يتمشون فيها ..لامتنزهات لامجمعات لا العاب ولا حتى معاهد يبون يسكتونا عملولنا اسواق المزرعه ويوميا كل الخفجي فيها مافي غيرها المعاهد اللي تتكلمين عنها اختي بنت الخفجي اسمها معهد لكن مافيها اي فايده تذكر وشكل المبنى يفشل .لا وازيدك من الشعر بيت عطوني شهاده ولما جيت ابي اقدمها لديوان الخدمه قالوا هذي مو معترف فيها << ياحبيبي قال معاهد قال خلونا نكون واقعين .. شوارعنا غلط ( شارع صارله اكثر من سنتين او اكثر يصلحون فيه سلامات والله لو سكة قطار امداها تخلص .. مدارسنا غلط .. مستشفانا غلط .. بس مانقول غير حسبي الله ونعم الوكيل .

شوف اخوي سالفة معترفة او مو معترفة المعاهد هذي مو موضوعنا وهذي ماهي مشكله بالخفجي بس في ناس يدرسون برى ويجون بشهادات غير معترفة في السعودية وهذا مو موضوع نقاشنا هنا

وانتوا قلتوا مافي معاهد ولا جامعات انا رديت وقلت لا في معاهد وفي جامعات

بغض النظر عن طريقة التدريس فيها او نظامها الموهم انها متوفرة ولا تنسون قبل 10 سنوات ماكان في اي نوع من انواع المعاهد ولا الجامعات وهذا شي ايجابي

مدارس جديده وحي كامل انشىء في فتره تعتبر نوعاً ما ممتازه هذا نقطه ايجابيه صح ..؟

خليكم شعب متفائل

شوفوا النواحي الإيجابية قبل السلبية من كل شي .. مشكله الشوارع واصلاحها ماهي بس بالخفجي

في كل مكان

شوف تحويلات الدمام والبلاوي اللي في شوارعها .. صدقني الخفجي بخير بس تحتاج شعب يحبها ويكون وفي لها

تحياتي

بـ الخفجي ـنت