[حسن الحارثي]

السلام عليكم ورحمة الله وبركاته اعتذر عن الغياب
وهذي تسجيل حضور
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ذا الليل جتني هموم العُمر ملتمَّه= عَطني لتفريقها يا لايمي حلاَّ
نفسي على طردها للهم مهتمَّه=وتشيل همٍ لها ما عاد ينشلا
من فقد نور المكان وعالي الهمه= يا تل قلب المعنى بعدهم تلا
من مات ما ينفعه مدحه ولا ذمه= ما نملك إلا عسى الله يغفر الزلا
يا الله انا طالبك يا جالي الغُمه=تجعلهم في مثاني رحمتك ظلا
ياقلب ياللي سقاه الحزن من سمه= واللي يبي عنده السلوان ما سلا
محتار لاما بدا مشوار ما تمَّه=ويعيش بين أمنياتٍ عهدها ولى
كم واحدٍ في محله ورد ما شمه= من كثر ما شاهده من شوفته ملا
سِج النفس والربيع الحيّ رح يمَّه=يوم ان علم الحيا مملوح ومحلا
بارضٍ تنَسِّي حُويِّرها حليب امه=طَربٍ لا مدّ النظر تيهٍ ليا فلا
وانشد عَنِه راغبي السير واللمه=هو فايتٍ موسمه؟ وإلا بقا؟ والاَّ ؟
قلته ولاني جرير ولا بن الصُّمه=لكني آدل قيفان الحكم دلا
رميٍ يقضّ الهدف من عالي القمه=ورميٍ غشيمٍ ومن دون الهدف كلاَّ
وطيرٍ يصيد العشا في الجو ويخمه=وطيرٍ كسولٍ ليا صعب العشا خلا
وحبلٍ يجيب الروى من صافي الجمه=وحبلٍ ولو مده العطشان ما دلاَّ
ورجلٍ ولو كثرو الضيفان ما همه=ورجلٍ على جيَّة الضيفان ما هلاَّ
واللي يحب الجمايل يخفر الذمه=ما يبحث السَّد لو انَّه على ملاَّ
حتَّيش لو ضاق صدره واحترق دمَّه=ميزان عدل النوايا سار مختلاَّ
[/poem]