:
:
:
كنت اتمنى ان اختصر النقاش معك
حتى لاتفسر ردي كما يحلو لك واللي مايوافقك في الراي معناته ضدك ويطلع بنظرك مايفهم
لكن الرجاء اذا طرحت موضوع فتوقع انواع الردود ..واختلاف وجهات النظر
لانه عادة عند الحوار والنقاش قد لاتساعدنا ثقافتنا ومستوى تعليمنا وطريقة طرحنا وتعبيرنا على فهمنا للبعض الاخر او فهمه لنا او ربما يفهم مايريده هو فقط وقد نصيب ونخطي لاننا في النهاية بشر وهذا وارد
ولكن هذا لايعطيك الحق ان تقيمني وتقيم مستوى تفكيري فقط لانك تخالفني الراي.
وتجي وتقول انتي ماتفهمين ! مثل ماوصفتني
بصراحه الواحد صار ماوده يرد على بعض المواضيع لانه بالاخير صاحب الموضوع مايستوعب بعض الردود ويبدا بالاتهام والتقييم هذا يفهم وهذا مايفهم
لكن الشكوى لله ...
بوضح لك ردي السابق كان عن السبب في لجووك لمكتب الزواج؟ و لماذا لم تطلب من اهلك يبحثوا لك عن زوجه مناسبه ؟ لان مثل مافيه بنات يبحثن عن المظاهر ايضا فيه بنات يبون الستر و آهم شيء عندهـم دين الرجل واخلاقه
خصوصا ان الشقه جاهزة وبنك التسليف موجود
فما المانع ؟خذ المال وادفع المهر .واناكتبت الرد هذا لانك لم تكن واضح في اعطاء السبب ولم توضح معاناتك كاملة فقط شرحت معاناتك مع المكتب ثم بناء على تجربه مررت بها اخذت تنتقص من بنات وطنك وانهن جميعا لايردن الستر وتافهات وهدفهن مادي
ثم غيرت محور موضوعك وطلبت من بعض الاخوان يتحول خاطب ويساعدك في البحث عن زوجه من الخارج ..
واخذت تبرر لنفسك ان زواجك من برا افضل لان بنات البلد ماتنفع فقلت لك في ردي ماذا تريد اذا ؟زواج مسيار ؟ (ولم اقل لك ان مكتب الزواج تخصصه زواج المسيار كما فهمت !)فانا لست هنا حتى توضح لي مالمقصود بمكتب الزواج ؟
وانا قلت رائي في الزواج من الخارج لان الحقيقه سلبيات الزواج من الخارج اكثر من ايجابياته وماحد يتزوج من الخارج الا واحد منحد حد عليهم يعني كبير بالسن او مريض او فيه عله فيدور وحده من برا ترعاه وتناسب ظروفه وترضى بحالته ويمكن تهرب منه ويتشتتون الابناء .
كما استغرب اتهامك ووصفك لي بانني متعاليه لاني قلت لك رائي في الزواج من الخارج وسلبياته !!
وعموما ردي كان واضح وهذا مجرد رائ
واي عاقل راح يفهم ردي على ان المقصود منه هو ان الزواج من الخارج سلبياته اكثر من ايجابياته وان الزواج من بنت الوطن هو الافضل والاحسن له ولابنائة وليس معناه التعالي كما وصفتني .
وبعدين كيف تقول: ان نظرة البنت عندنا أنها افضل من البنت برا زمانها راح !! هذا معناته انك تدعو الجميع للزواج من برااا ! وان هذي الموضه واللي يعترض ويقول رايه فزمانه راح ؟ صراااااحه نظرة غريبة !
اذن انت في نظرك اذا خطب اختك او بنتك واحدمن الاخوان العرب لبناني او اردني او سوري اومصري لازم توافق لان نظرة ان الشاب عندنا افضل من الشاب برا زمانها راااح!!
وان اللي يرفض يزوج بنته من برا هذا يدل على اننا عايشين في الوهم اللي يقول نحن الافضل ونحن الاشرف ونحن الاطهر واما الباقي لا يستحقون حتى الحياة ..!! كما وصفتني .
ختاما
لي تعليق على سالفة تحسين النسل استغفر الله
لاالشكل ولا البيئة متناسبة ولا العادات ولا التقاليد ولا اللهجة
..والدليل تحسين النسل اللي نشوفه بكل مكان
(تشوف طفل اسمرررر وشعره اشقر ناعم وعيونه زرقاء!!! واخوه ابيض وعيونه سودا وشعره اسود مفلفل !! الاب والام والاطفال وشغالتهم كل واحد في وادي واللهجة حدث ولاحرج( كانهم في قروب سياحي
)
اتمنى تبحث اكثررر فالموضوع يستحق البحث والتروي