يالله تعدّيـهـا عـلــى خـيــر وتـصـيـب
......................... مـن حـدّنـي أكـتـب خمـالـه وعيـبـه
يبغى الصّراحه مابهـا شـك ولا ريـب
......................... بـأقـولـهـا والــنــاس كــــلٍ وطـيـبــه
الــحــر مـايـنـفـع بـلــيّــا مـخـالـيــب
......................... والـعـقـل لـلـرجّــال زيــنــه وهـيـبــه
والسّالفـه ماهـي بلحـيـة مواجـيـب
......................... كــلٍ عـلـى طبـعـه يجـيـبـه حلـيـبـه
بعـض المنـابـت بالمـراجـل عـذاريـب
......................... وبعـض المنابـت للمـراجـل خصيـبـه
رجـلٍ يبـي طـاريـه عـنـد الأشانـيـب
......................... ورجــلٍ يـبـي طـاريـه عـنـد الحبيـبـه
ورجــلٍ يــودّي بالسوالـيـف ويجـيـب
......................... ورجـــلٍ سوالـيـفـه لفـعـلـه تجـيـبـه
ورجلٍ يغض الطّرف عن جارة الصحيب
......................... ورجـلٍ عيونـه فـي مـحـارم صحيـبـه
ورجـلٍ تـسـد بغيبـتـه يـومـه أيغـيـب
......................... ورجـــلٍ ولا تــقــدر تــســد بمـغـيـبـه
ورجل يغيـب ويفقدونـه أهـل الطيـب
......................... ورجـلٍ إليا مـن غـاب مـاحـدٍ دري بــه
ورجلٍ تشـوف بخوّتـه لـك مكاسيـب
......................... ورجــلٍ تـشـوف بخـوّتـه لــك غليـبـه
ورجلٍ إذا أخطى يرى نفسه مصيـب
......................... ورجــلٍ إذا إخـطـى يـراهــا مصـيـبـه
قلـت الصّراحـه مابهـا شـك أو ريــب
......................... كــلٍ عـلـى طبـعـه يجـيـبـه حلـيـبـه
بـ أهـلـك مــــا والله أنا لاقيـ (ن) عــيــب
......................... تـاجٍ علـى روس المـرا جــل وهيـبـه
إشره وشرّه كـان تبغـى المواجيـب
......................... عـط حـق تـاخـذ حــق مـابـه معيـبـه
الشاعر : مشعل دهيم الظفيري ..