ياللي زعلت ازعل ولاني بمرضيك
اشرب كدر ماء البحر كأنه ارضاك
لا تحسب اني عقب صدك بداااريك
بعز نفسي عنك مدرااك مدراك
اربع سنين وانا متحمل تغليك
راضي بتعذيبك لجل قلب اغلااااك
خليتني واليوم والله لخليك
وادوس قلبي لينه يقول خلاك
قبل توريني الحساير بوريك
ليمنه قيل فلان هانك ووراك
وكانك تحداني فانا قابل تحديك
وانسى الغرام اللي مضى واتحداك
ماني بقايل لك عسى الله يهنيك
الله يحرمك كل ماكان هناك
عسى العمى يا خاين العهد يعميك
فوق الغرور اللي عن الماضي اعماك
وعساك ما تسمع قريب يناديك
حيثك تجاهل صوت محروم ناداك
وعسى الشلل يعوق رجلا تمشيك
لينك تندم ليش غيرت ممشاك
وعسى حياتك بس فرحه لشانيك
يلقى به الفرصه عدوك ويشناك
وعسى الليالي اللي تجيني بطاريك
يصبح عليها الصبح وتموت طرياك
وعسى المنام وكل راحه تجافيك
امين وكل اللي تمناه يجفاك
وعساك ماتفرح وتكثر بلاويك
وامك تشق الجيب من عضم بلواك
ولامت جعلك في جهنم تصليك
نارالجحيم ونار دنياك تصلاك
الله يكره فيك حتى دوانيك
غشاش خاين من من الناس داناك
هذي النهايه روح والله يجااازيك
امسك ويومك عن هوى الغد يجزاك