اقتباس 1. كلمة توجهها لأخوانك ألاعضاء خاصة وألامة ألاسلامية عامة بمناسبة الشهر الفضيل ؟ كل عام وانتم بخير وتقبل الله صيامكم وقيامك وينعاد علينا وعليكم وعلى الامه الاسلاميه بالصحه والعافيه 2 . ماهو البرنامج اليومي المتبع في رمضـان .. بالتفصيل ؟ اقوم من النوم واروح الدوام اخلص شغلي واقراء قران وافتح المنتدى اشيك او اشارك حسب المزاج واطلع الساعه 3 وعلى طول للمطبخ وبعدها اخذ غفوه نص ساعه او اكثر شوي وبعدين اقوم اكمل الشغل ونفطر ونشيل المواعين ونغسلها ونجلس شوي على التلفزيون ونسولف واصلي العشاء إذا ما عندي شيء اخذت غفوه 10دقايق وإذا عندي شغل اخلصه وبعدين نجيب القهوه والشاي والفطاير ونتقهوى وافتح المنتدى على 10 تقريبا ولين يجي وقت السحور نتسحر واصلي وانام لان وراي دووووام وبس هذا البرنامج اليومي 3 . ماهي البرامج التي تحرص على مشاهدتها أثناء الشهر الفضيـل ؟ والله هالسنه ما حرصت على شيء ولا تابعت كثير اشوف مقتطفات 4 . ماذا يعني لك رمضـان ؟ شهر خير وبركه شهر صيام وعباده شهر تصفد فيه الشياطين وتصفوا قلوب الناس 5 . ماهو الطبق الرئيسي اللذي تفضل تواجدة على مائدة ألافطار + حلويات + مشروبات؟ اكيييد الشوربه واللقيمات والفيتمو والباقي عادي 6 . أسأل الله أن تكون من اللذين يدركون ليلة القدر .. ماهي الامنيات والدعوات التي ستقوم بدعائها في هذه الليلة المباركة .؟ الدعوات والامنيات كثيره ولكن نسال الله العلي القدير ان يرحم والدي ويجعله من اهل الفردوس الاعلى وان يغفر له ما تقدم من ذنبه ويرحم جميع اموات المسلمين و ان يجعلني من اهل الجنه ويعفو ويغفر لي ولجميع المسلمين ويسترنا بالدنيا والاخره ويوفقني ويوفق جميع المسلمين والمسمات 7 . تخيل اليوم ألاعضاء معزومين عندك على مائدة الافطار ماهي الاصناف والوجبات التي ستقدمها لهم .. يفضل بالصور ؟ اول شيء الله يحييهم ويبقيهم اممممممممممم والله مافيه شيء محدد ببالي الحين بس اكيد بسوي اكثر من شيء اصناف متنوعه ومتعدده لاني ما ادري كل شخص وش يحب وايش يفضل بس لا احد يجي بوقت الدوامات ولا بحط لكم خبزه وجبنه 8 . ألاشخاص اللذين تفتقدهم في رمضان هذا العام ؟ مو بس هذا العام افقد ابوي 9 . موقف طريف لازال عالقا في الذهن .. موقف رمضاني ؟ بصراحه ما اتذكر 10 . نصيحة تقدمها الى أخوانك وأخواتك ألاعضاء .. نصيحة رمضانية ؟ امممممممممم لا يكون الهدف من صيامك هو انتظار سفره الافطار لتناول الاصناف المقدمه بل ليكن شهر تكثرون به من طاعه الرحمن من الذاكـرة 11 . أول يوم قمت بصيامه كم كان عمرك وهل كان الصوم أجباري أم أختياري ؟ ما اتذكر كم كان عمري بس بالابتدائي والصيام كان اختياري 12. على الاغلب بل الجميع أدعى الصوم في بعض الايام ( ايام الطفولة ) لسبب معين .. هل قمت بنفس العمل وهل كشف أمرك أم انها عدة على خير .. مع ذكر الموقف ان وجد ؟ هههههههههههههههههههههههه لا ما سويتها بس ابوي وامي كانوا يقولون كولي بسكويت واشربي ماء وكولي هذا ومدري ايش وإذا قلت ليش يقولون ما يفطر اقول كولوا معي يقولون لا بس للصغار الكبار ما يصير عاد إذا حسيت بالجوع طعتهم 13 . من هو العضو اللذي تود دعوته ليكون ضيفنا القادم ؟ جوري الانجليزيه وإذا ما جت شذى الايام شمس الرائديه عطيتكم 3 اختيارات واشكرك شموسه على الموضوع الرااائع