بسم الله الرحمن الرحيم
_( الـــوفـــا )_
ما تعودنا من الوافي جفا = و لا تعودنا من الصاحب صدود
يا حسافه اختفا راع الوفا = الصديق اليوم يبد لي جحود
يا صحيبي كان تغليني آفا = ليه تجفاني و أنا واف العهود
لا تزيد اللوم يالصاحب كفا = الخطأ ماله ترى عندي وجود
صاحبك ينقش كلامه بالصفا = ما يزيله يا صحيبي هب نود
ما ظهر لي خير و الكايد خفا = لعنبوا غيرك لنا صرتوا يهود
صاحبك عن زلت الصاحب عفا = وفي دروب الصلح يبذله جهود
ان هرج بي صاحبي قلبي نفا = و للأسف يسوي بنا عند الحسود
باروا ألأصحاب ما واحد صفا = كود واحد راح لايمكن يعود
الصديق الصح يالنادر هفا = بعد راع الطيب حالي في ركود
مات أخوي اللي لزلات رفا = صاحبي و اغليه بالفعل محمود
آه يا مشكاي من يوم اختفا = سالت دموعي حزن فوق الخدود
انحرق قلبي من الهم و طفا = و العيون من السهر شفها شهود
لا تذكرته الى بيتي لفا = أوقد الهاجوس و همومي تزود
أكتفا قلبي من الضيم أكتفا = يوم أشوف الحقد بعيون الحقود
كلمات محبكم..
ممدوح سماح العفري الشمري