مدري وش تحسون فيه على هالتضييق
النآس تبي السعه وإنتو تبون الضيق
يعني معليش بالله قبل يوم كانت ساحتنا لنا وما كانت تكفينا
كيف ألحين بالله ؟ هذا واليوم محد مداوم وزحممممه البنات مو عارفين يمشون عدل بالأسياب حقتكم
بعدين ترى حنا ما نبي شي
نبي بس ساحه وهذي ابسط حقوقناا !
فضوا لنا ارض من هاللي حول الكليه -ومخلينها مكب لمخلفات بنيانكم- وغطوهآ حتى بدون لآ تبلطونهآ ولآ تصبونها نبيها نفس ما هي تراب وخلوها ساحه لنا !
صعب هالشي بالله ؟
أمانه صعب طلبنا ؟
عمركم ما نفذتوا طلباتنا وكل قراراتكم ضد مصلحتنا نفذوا لنا هالطلب البسيط ونكون لكم من الشاكرين
طول اليوم أعشم نفسي واللي معي انه فيه ساحه لنا مسوينها مفاجاه لكن اكتشفنا انه ما فيه ساحه ولا هم يفرحون
وين اللي تقول ستجدون ما يسركم
وينها خليها تورينا وجهها والا خليها تمشي بالأسياب وتشوف زحمة البنات
اما الأمن فلا تعليق بجد
اجل وين ما رحنا طردونا
معليش يعني ترى صرنا جامعيات ما حنا بزران تطردونا عيب والله بحقكم وبحقنا