[ابو نداء الشمري]

السلام عليكم ورحمة الله وبركاته


أسعد الله مسائكم ...

لكل شخص حقه بالفخر بقبيلته وامجادها وفعايلها..
وهالابيات المتواضعه ماهيا الا مشاركة فرحه بفوز ثلاث كراسي لشمر بالمجلس البلدي
وكتبت بحفل نواف جطلي الشمري ..
وهي رد على كل شخص قال ان شمر ماراح تفوز لكثرة مرشحينهم ..

ولاهو نقص بالقبائل الثانيه والمرشحين الباقين
فكل شخص فاز بتجمع ربعه وهذا هو الفوز انك تفوز بحب جماعتك ولمتهم وفزعتهم حولك ...


وانا لااعتبر نفسي شاعر ولكن كل شخص عنده موهبة الشعر ...

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يقول عبدالله بشعره ودلـــه=ويبدأ بقولن مالقي به مناقيد
اجيب جزل القول واترك سفله =وانقي الجزلات باخذ المفاريد
سلام تسليمن له الطيب مـن له=تسليمتن بالعز ما تنقص تزيد
يا مرحبا ترحيبتن بالحفل كــله=ترحيبتن بالبن وسط البغاديد
في حفل ابن جطلي وفي محله=ترحيبتن باسمه وباسم المحاميد
يا عزوتي شمر نجوم مـــضله=والجمعه اللي اليوم تحتاج تمجيد
جمعن يبرد من شكى غيض غله=في ليلة اعلان النتائج صناديد
كل شمري يزعج الصوت ويشله=في عرضتن دقت قلوب الحواسيد
ياهيه هاذي شـــــمر نجوم مطله=مار استريحوا يالعفون المقاريد
هاذي فعايل عزوتي عادتن له=جبنا الثلاث بكل عز ( ن ) وتوكيد
المركز الثاني بدر جاء واستحله=هذاك ابو نايف زعيم المساعيد
والمركز الثالث وهـبي وصـله=نواف بن جطلي بلا علم ترديد
والمركز الرابع جعفري استحله=مدغش بن محمد رفض عنه يحيد
من دون نقـص بالقبايـل وزله =كل على يمناه صفق البواريد
ويا مرحبا ترحيبتن بالحفل كله=ترحيبتن مني ومن كل المحاميد [/poem]