صح لسانك يابو نداء على روعة الابيات ويستاهلو الطيبين
وبهذه المناسبه بشارك بهذه القصيده
الليـلـه.. هـــذي.. غـيــر عـــن.. كـــل لـيـلـه
..................................... ودي أولعها.. قصيد.. ومثايل
بـســوق شـعــري ..وأمــتــدح لــــي قـبـيـلـه
........................... شمر هل الطولات ..وأهـل.. الفعايـل
يـاربـعـي ..الــلــي صـيـتـكـم.. يـنـثــي لــــه
.............. ................هذا الدهر ..وإن مر.. ذكر القبايـل
هـزيـتــوا ..الــكــون الـرحــيــب ..وهـويــلــه
.............................فيما سبـق.. يامسوييـن ..الهوايـل
والـغـيـم طـاريـكـم.. غـصــب.. يـنـحـنـي لــــه
.........................ينزل معاه.. سهيـل.. بالكـف ..شايـل
مــــدة يـديـكــم ..دوم.. مــاهـــي.. بـخـيـلــه
..........................كن الصخا.. رجـال.. وانتـم.. سلايـل
انـتــم مـعــارك حــــرب.. يــاهــي.. طـويـلــه
.............................. انتم سوالف عـز.. انتـم جمايـل
انـتــم نــبــات الـطـيــب ..انــتــم حـصـيـلـه
...........................انتـم ..يامكثركـم بوقـت ..الصمايـل
انـتــم.. عـلــى مـــن عـــال ..نـــار وفتـيـلـه
...........................انتم حكايـا مجـد.. ترقـى الطوايـل
انـتــم زمـــان ٍ ..مـاحـصــل فــيــه.. مـيـلــه
..........................مافيكـم سنافـي.. زمانـه.. تمـايـل
تاريـخـكـم بـالـلـي مــضــى ..مــــن يـشـيـلـه
.............................ثقيـل.. لكـن غيـر كـل.. الثقايـل
مـنـهــو جـهـلـكـم ..يـالـطـنـايـا ..هـبـيـلــه!!
....................وشلـون يجهـل ..فـي ..عيـال الحمـايـل
ولـــو قــيــل نــعــم ونــعــم ..والله قـلـيـلـه
......................فـي واحـد ٍ ربعـه.. سناعيـس حـايـل
لـبـيـه.. يـاحـايـل.. ومــــن يـنـتـمـي.. لــــه
........................يـاارض ٍ ..غلاهـا ملتـوي بالنحـايـل
كـــل ٍ سـمــع فـيــه.. وتـمـنـى.. يـجــي لـــه
..................متشـوق.. لسلـمـى ..واجــا.. والنفـايـل
وكــــل شمري..بـااطـرافـهـا ..يـنــعــي لـــــه
.........................يكفيـك لاجيتـه ..وشـفـت الـدلايـل
قـبــل الصـيـانـي ..ينـطـحـك حــــب.. هـيـلــه
.........................ماصـك بابـه ..بالمسـا.. والقـوايـل
يعـطـيـك قـبــل انـــك تـجــي ..وتـحـكـي لـــه
...........................عمايلـه.. تـاج بـروس.. العمـايـل
أنـــا اشـهــد ان الــجــود ..نـعـمــه فـضـيـلـه
..................وحنـا كسبنـا الجـود.. وزيــن الخصـايـل
لـكــن قـبــل مـاانـهـي ..الـقـصـيـد وجـزيـلــه!!
.................شوفـوا بااخـر بـيـت.. وش كـنـت قـايـل:
شـمــر قبـيـلـه؟؟.. إيييييييـيـيـه.. شـمــر قبـيـلـه
..........مـثـل القبـايـل؟؟.. لا.. لا.. غـيـررررر القبـايـل
كاتب القصيده عنزي خواله شمر