اقتباس المشاركة الأصلية كتبت بواسطة alysa يعطيك العافية شعنونة على الطرح بالنسبة للقراءة اللي أشوفه الأهل ماعودوا أولادهم على القراءة وحببوا القراءة لهم الجيل الحالي مايفكر في القراءة ويكتفوا بالمعلومات الموجودة في وسائل التقنية مع انه في كثير من المعلومات مضروبة أو مو صحيحة أو تحتاج توضيح وتفسير أكثر وهذا ماتلاقينه غير في الكتب لكن الجيل أو الجيلين اللي قبل واللي هم حالياًُ أهالي ومكونين أسر ماكانت التقنية موجودة في وقتهم وزمنهم مثل هالحين ومع هذا ماكنوا يقرأون ولا كان عندهم وقت للقراءة غير مهمة الأهل في توجيه أولادهم للقراءة وتعويدهم عليها واللي كثير منهم أخفقوا فيها و البيئة الدراسية اللي تفرض وتعلم على القراءة للأسف ماقدرت تعود الطلبة والطالبات على القراءة أذكر حصص المكتبة يا تكون حصة للترفيه في بعض المدارس يا انها تكون قراءة إجبارية إسلوب التحبيب والترغيب واكتشاف هواية الإنسان في أي كتب ممكن يقرأ للأسف مفقودة في البيت وفي التعليم غير هذا وسائل تدفق المعلومات كثرت وتنوعت حتى لو كان بعضها سيء أو خاطئ لكن الجيل الجديد يشوف انه هو أعرف وأفهم وأفقه ناس في الدنيا وبالنسبة للسبب توجهم للتقنية هو الموجود حالياً والمدعوم حتى من الأهل ... الأهل يفضلوا يجيبوا التقنية بكل وسائلها لبيتهم لكن ماعندهم أهمية كبيرة في القراءة أغلب الأهل اللي عندهم القراءة جزء مهم أولادهم يكون عندهم نفس الرأي والفكر أما الأهل اللي عندهم القراءة شيء عادي أو مالها أهمية كبيرة أولادهم غالباً مايقرأون الا اللي عنده هواية القراءة نحتاج نعلم الأهل القراءة وأهميتها عشان يزرعونها في أولادهم والأجيال الجديدة كلامك صحيح .. وهذا الواقع اللي عايشين فيه والكثير لا يعرف قيمة القراءة .. ولا يعلم انها غذاء العقل وليش ما تكون عاده من عاداته اليومية مثل الادمان على التقنية الحديثة