[حمد الدليهي]

مجموعة الشيخ


[poem=font=",5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
خفْ الغلا ياناحـل الخصـر خفّـه =خفه وانا مااجهل خفايـا واحاسيـس
ألْـفّْ فـي معنـاي تسعيـن لفّـه =من شان مايـدري قريـب المراميـس
يبطـي مايلْحقْبـي مـرادهَ وُشفّـه =لو حط فـي كـل الأماكـن جواسيـس
شاعرك ماهو مثـل غيّـره مخفّـه =ثقيـل ثقلـه كاسبـيـن النوامـيـس
اللي كلامـه عاجـزٍ لايصفّـه =لاشافنّْـيْ صـدره تجيّـه الكوابـيـس
ملف فعْلّـيْ يختلـف عـن ملفّـه =الحرف يفرق لو تساوى قراطيس
هوارتـه طاروقهـا للمسـفّـه =مع فـرة السبحـه وُطـق المراويـس
ياعين تتبع ليل للي تَنفّـه =تطرب لها مجموعة الشيخ عتريـس
والّبْحرّْ له شاطي وللّنّهر ضفّه =لاحاولوا تهميّشتـي زمـرة أبليـس
انتي وانا في كف والنـاس كفّـه =الليـل ثالثنـا وُنـفـح النسانـيـس
تفضلي هيبه وسلطه وعفّه =والعين لك ممسـى وقلبـي مجاليـس
ياسلوة المغرم وفيضـه وُجفـه =يايوسفيـة حسـن كــل المقايـيـس
العين عين اللـي جناحـه يضفّـه =توُه وحـش مـن نـادرات القرانيـس
والخـد بـرقٍ لايحـه مايْكفّـه =يجذب سنا ضـوه جميـع العواسيـس
حالي من اسبابك على جـال هفّـه =هايمْ مثل ماهـام فـي عشقتـه قيـس
الخاتمه خفّ الغـلا قلـت خفّـه =شاعـرك مايجهـل خفايـا واحاسيـس[/poem]