كلمات جميله للشاعر / سعود بن ممدوح
أتمنى أن تحوز على إعجابكم
ياقلب كانك فاقد لك حبيبه
وش عاد أنا اللي فاقد لي حبايب
راحوا وخلوني ولا هي غريبه
في هالزمان الممتلي بالغرايب
لكن بعض هالناس بعده مصيبه
أشد من فرقا الأهل والقرايب
شخص هويته دون شك وريبه
علمني شلون أتحى الصعايب
طيب البشر لو هو يقارن بطيبه
يفرق مثل فرقا الثرى للسحايب
هذاك هو طب الجرورح العطيبه
لقيت أنا فيه العجب والعجايب
لكن خذاه الوقت مني غصيبه
أقفى وأنا بعده عن الكون غايب
راح وتركني للظروف العصيبه
جسمي طواه الهم والراس شايب
من عقبه الدنيا بعيني كئيبه
لا الحظ زاين لي ولا النوم طايب
عرفت ليش دموع عيني سكيبه
وعرفت ليش أقول مالحب تايب
أخذت عبره من ليالي عصيبه
ومن الظروف القاسيه والمصايب
وما مرني في طول عمري مصيبه
أشد من قسوة .. وفرقا الحبااااااااايب
